Turǵyn úilerdiń kópshiliginiń baǵasy áli de qymbat. Bul týraly Ulttyq qoǵamdyq senim keńesiniń besinshi otyrysynda QR Prezidenti Qasym-Jomart Toqaev málim etti, dep habarlaidy "Ult aqparat".
«Byltyr turǵyn úi qurylysynyń qarqyny 11,2 paiyzǵa ósti. Bul - jaqsy kórsetkish. Biraq óńirlerdiń ahýaly árkelki. Mysaly, paidalanýǵa berilgen daiyn úilerdiń 40 paiyzy tek Nur-Sultan, Almaty, Shymkent qalalarynda. Onyń ústine bul úilerdiń kópshiliginiń baǵasy áli de qymbat. Men Úkimettiń qańtar aiyndaǵy keńeitilgen otyrysynda turǵyn úi saiasatyn jetildirý úshin jańa usynystar ázirleýdi tapsyrdym. Úkimet aitarlyqtai tiimdi usynystar berdi. Jalpy bul usynystardy qoldaimyn. Degenmen, naryqtyń óz erejesi bar», - dedi Memleket basshysy.
Osy oraida Prezident naqty ekonomikalyq faktorlarǵa bailanysty qurylys kompaniialary qazir arzan úi salýǵa múddeli emes ekenin atap ótti.
«Sol sebepti qoljetimdi ári sapaly úi salýdy jandandyrý úshin qurylys kompaniialarymen offteik, iaǵni aldyn ala satyp alý kelisimin jasaý kerek. Soǵan sáikes, turǵyn úiler «Nurly jer» baǵdarlamasyndaǵy baǵamen satyp alynady. Mundai tásil synaq jobalary aiasynda aldyn ala pysyqtaldy. Endi muny búkil el boiynsha júzege asyrǵan jón. Bul qadam az ýaqyttyń ishinde quny qoljetimdi jańa turǵyn úiler salýǵa múmkindik beredi», - dedi Toqaev.
