Turǵyn úige muqtaj Qazaqstan Respýblikasynyń azamattaryn esepke qoiý qaǵidalaryna ózgerister men tolyqtyrý engizildi. "Ult aqparat" oqyrman nazaryna qujat mátinin usynady.
***
Qazaqstan Respýblikasy Úkimetiniń 2020 jylǵy 23 maýsymdaǵy №381 Qaýlysy
«Memlekettik turǵyn úi qorynan turǵyn úige nemese jeke turǵyn úi qorynan jergilikti atqarýshy organ jaldaǵan turǵyn úige muqtaj Qazaqstan Respýblikasynyń azamattaryn esepke qoiý qaǵidalaryn bekitý týraly» Qazaqstan Respýblikasy Úkimetiniń 2012 jylǵy 26 maýsymdaǵy № 856 qaýlysyna ózgerister men tolyqtyrý engizý týraly
Qazaqstan Respýblikasynyń Úkimeti QAÝLY ETEDI:
1. «Memlekettik turǵyn úi qorynan turǵyn úige nemese jeke turǵyn úi qorynan jergilikti atqarýshy organ jaldaǵan turǵyn úige muqtaj Qazaqstan Respýblikasynyń azamattaryn esepke qoiý qaǵidalaryn bekitý týraly» Qazaqstan Respýblikasy Úkimetiniń 2012 jylǵy 26 maýsymdaǵy № 856 qaýlysyna (Qazaqstan Respýblikasynyń PÚAJ-y, 2012 j., № 59, 815-qujat) mynadai ózgerister men tolyqtyrý engizilsin:
kórsetilgen qaýlymen bekitilgen Memlekettik turǵyn úi qorynan turǵyn úige nemese jeke turǵyn úi qorynan jergilikti atqarýshy organ jaldaǵan turǵyn úige muqtaj Qazaqstan Respýblikasynyń azamattaryn esepke qoiý qaǵidalarynda:
1-taraýdyń taqyryby mynadai redaktsiiada jazylsyn:
«1-taraý. Jalpy erejeler»;
1-tarmaq mynadai redaktsiiada jazylsyn:
«1. Osy Memlekettik turǵyn úi qorynan turǵyn úige nemese jeke turǵyn úi qorynan jergilikti atqarýshy organ jaldaǵan turǵyn úige muqtaj Qazaqstan Respýblikasynyń azamattaryn esepke qoiý qaǵidalary (budan ári – Qaǵidalar) «Turǵyn úi qatynastary týraly» 1997 jylǵy 16 sáýirdegi Qazaqstan Respýblikasynyń Zańyna (budan ári – Zań) sáikes ázirlendi jáne memlekettik turǵyn úi qorynan turǵyn úige nemese jeke turǵyn úi qorynan jergilikti atqarýshy organ jaldaǵan turǵyn úige muqtaj Qazaqstan Respýblikasy azamattary esepke qoiý tártibin aiqyndaidy.»;
2-taraýdyń taqyryby mynadai redaktsiiada jazylsyn:
«2-taraý. Memlekettik turǵyn úi qorynan turǵyn úige nemese jeke turǵyn úi qorynan jergilikti atqarýshy organ jaldaǵan turǵyn úige
muqtaj Qazaqstan Respýblikasynyń azamattaryn esepke qoiý tártibi»;
8-tarmaq mynadai redaktsiiada jazylsyn:
«8. Azamattardy esepke qoiý úshin mynadai qujattar usynylýy qajet (aqparattyq júielerden alýǵa bolatyn qujattardy azamattardan talap etýge jol berilmeidi):
- osy Qaǵidalarǵa 1-qosymshaǵa sáikes nysan boiynsha ótinish berýshide jáne onymen únemi birge turatyn otbasy múshelerinde osy eldi mekende turaqty paidalanýda kommýnaldyq turǵyn úi qorynan berilgen turǵyn úidiń bar nemese joq ekenin jergilikti atqarýshy organnyń tekserýine kelisimi kórsetilgen kommýnaldyq turǵyn úi qorynan beriletin turǵyn úige muqtaj azamattardy esepke qoiý týraly ótinish;
- ótinish berýshiniń jeke basyn kýálandyratyn qujat (ótinish berýshiniń jeke basyn sáikestendirý úshin usynylady);
- aqparattyq júiede aqparat bolmaǵan jaǵdaida azamattyq hal aktilerin (týý, qaitys bolý, neke qiiý (erli-zaiypty bolý), nekeni (erli-zaiyptylyqty) buzý, bala asyrap alý, áke (ana) bolýdy anyqtaý, atyn, ákesiniń atyn jáne tegin ózgertý) memlekettik tirkeý týraly kýálikterdiń kóshirmeleri. Ótinish berýshiniń otbasy músheleri dep basqa adamdar tanylǵan jaǵdailarda, sońǵylary ózderin ótinish berýshiniń otbasy músheleri dep taný týraly sot sheshiminiń kóshirmesin usynady;
- aqparattyq júiede aqparat bolmaǵan jaǵdaida halyqtyń áleýmettik jaǵynan álsiz toptaryna jatatyn azamattar buǵan qosa ótinish berýshiniń (otbasynyń) halyqtyń áleýmettik jaǵynan álsiz toptaryna jatatynyn rastaityn qujatty, sondai-aq otbasynyń árbir múshesine (múgedek balalary bar nemese olardy tárbieleitin otbasylardy qospaǵanda) sońǵy on eki ai ishindegi tabysy týraly málimetterdi usynady;
- aqparattyq júiede aqparat bolmaǵan jaǵdaida memlekettik qyzmetshiler, biýdjettik uiymdardyń qyzmetkerleri, áskeri qyzmetshiler, arnaýly memlekettik organdardyń qyzmetkerleri jáne memlekettik sailanbaly qyzmet atqaratyn adamdar buǵan qosa jumys ornynan (qyzmetten) anyqtama usynady. Ǵaryshkerlikke kandidattar, ǵaryshkerler Qazaqstan Respýblikasynyń Úkimeti beretin mártebesin rastaityn qujatty usynady;
- otbasy turatyn turǵyn úi belgilengen sanitariialyq-epidemiologiialyq talaptarǵa sai kelmegen jaǵdaida, ótinish berýshi sanitariialyq-epidemiologiialyq qyzmet uiymy júrgizgen sanitariialyq-epidemiologiialyq saraptamanyń nátijeleri boiynsha halyqtyń sanitariialyq-epidemiologiialyq salaýattylyǵy salasyndaǵy ýákiletti organnyń aýmaqtyq bólimshesi bergen sanitariialyq-epidemiologiialyq qorytyndynyń túpnusqasyn qosymsha usynady;
- otbasy turatyn turǵyn úi belgilengen tehnikalyq talaptarǵa sai kelmegen jaǵdaida, ótinish berýshi sáýlet, qala qurylysy jáne qurylys qyzmeti salasyndaǵy attestattalǵan sarapshynyń tehnikalyq qorytyndysynyń (turǵyn úidi tehnikalyq zerttep-tekserý nátijeleri boiynsha) túpnusqasyn qosymsha usynady;
- otbasy quramynda keibir sozylmaly aýrýlardyń aýyr túrlerimen aýyratyn naýqastar bolǵan, bir úi-jaida (páterde) olarmen birge turý múmkin bolmaǵan jaǵdaida ótinish berýshi tiisti aýrý túrin rastaityn qujatty qosymsha usynady.
Kórsetiletin qyzmetti alýshynyń jeke basyn rastaityn qujattardyń, nekege turý nemese buzý týraly, qaitys bolý, balanyń týýy týraly kýáliktiń, ózine menshik quqyǵynda tiesili (Qazaqstan Respýblikasy boiynsha) turǵyn úidiń bar nemese joq ekeni týraly anyqtamanyń málimetterin, tirkelgen mekenjaiy týraly málimetterdi, basqa adamdardy kórsetiletin qyzmetti alýshynyń otbasy músheleri dep taný týraly sot sheshimin, kórsetiletin qyzmetti alýshynyń halyqtyń áleýmettik osal tobyna, memlekettik qyzmetshilerge, biýdjettik uiymdardyń qyzmetkerlerine tiesililigin rastaityn qujattardy, salyq salynatyn tabysy týraly málimetterdi kórsetiletin qyzmetti alýshy otbasynyń barlyq múshesi úshin «elektrondyq úkimet» shliýzi arqyly tiisti memlekettik aqparattyq júielerden usynady.
Jumys orny boiynsha esepke qoiý úshin memlekettik kásiporynnyń ne memlekettik mekemeniń turǵyn úi qorynan beriletin turǵyn úige muqtaj azamattar osy Qaǵidalarǵa 2-qosymshaǵa sáikes nysan boiynsha ótinishti, sondai-aq osy tarmaqtyń 2), 3) jáne 4) tarmaqshalarynda kórsetilgen qujattardy usynady. Ótinish berýshide jáne onymen únemi birge turatyn otbasy múshelerinde osy eldi mekende turaqty paidalanýda kommýnaldyq turǵyn úi qorynan berilgen turǵyn úidiń bar nemese joq ekeni týraly jergilikti atqarýshy organnyń málimetterin memlekettik kásiporyndar nemese memlekettik mekemeler www.gosreestr veb-portalynda ornalasqan «Memlekettik turǵyn úi qorynyń obektilerin jaldaý sharttarynyń tizilimi» aqparattyq resýrsynyń quraldary arqyly alady.
Osy tarmaqta kórsetilgen qujattardyń málimetterin jańartý, ózgertý nemese tolyqtyrý úshin ótinish berýshi «Azamattarǵa arnalǵan úkimet» memlekettik korporatsiiasy» kommertsiialyq emes aktsionerlik qoǵamyna (budan ári – Memlekettik korporatsiia) ne «elektrondyq úkimet» veb-portaly (budan ári – portal) arqyly osy Qaǵidalarǵa 3-qosymshaǵa sáikes nysan boiynsha ótinishti, sondai-aq osy tarmaqta kózdelgen qajetti qujattardy negizder týyndaǵan ne uialy telefonǵan sms-habarlama alǵan sátten bastap beredi.»;
9-tarmaq mynadai redaktsiiada jazylsyn:
«9. Jergilikti atqarýshy organ, memlekettik kásiporyn, memlekettik mekeme memlekettik turǵyn úi qorynan turǵyn úige nemese jeke turǵyn úi qorynan jergilikti atqarýshy organ jaldaǵan turǵyn úige muqtaj Qazaqstan Respýblikasy azamattarynyń kezektegi rettik nómirin habarlap jáne kórsete otyryp, esepke qoiý týraly nemese esepke qoiýdan dáleldi bas tartý týraly sheshimdi ótinish berilgen kúnnen bastap on bes jumys kúninen keshiktirmei qabyldaidy.
Jergilikti atqarýshy organdardyń sheshimine sáikes ótinish berýshige habarlama Memlekettik korporatsiiaǵa ne portaldaǵy «jeke kabinetke» elektrondyq qujat túrinde jiberiledi. Memlekettik kásiporynnyń ne memlekettik mekemeniń sheshimine sáikes ótinish berýshige jazbasha túrde ne poshta boiynsha ne qolma-qol habarlanady.»;
12-tarmaq mynadai redaktsiiada jazylsyn:
«12. Turǵyn úige muqtaj retinde esepte turǵan adamdardyń tizimin ózektilendirý maqsatynda aýdannyń, oblystyq mańyzy bar qalanyń, respýblikalyq mańyzy bar qalalardyń, astananyń jergilikti atqarýshy organdary memlekettik organdardyń aqparattyq júielerimen integratsiialanǵan Turǵyn úige kezekte turǵandardy esepke alýdyń biryńǵai ulttyq júiesi arqyly avtomattandyrylǵan rejimde kommýnaldyq turǵyn úi qorynan turǵyn úige muqtaj adamdardyń esebinde turǵan Qazaqstan Respýblikasy azamattarynyń kezektilik tizimine jyl saiyn túgendeý júrgizedi.
Aqparattyq júiede málimetter bolmaǵan ne ótinish berýshi men onyń otbasy músheleri týraly málimetter ózgergen jaǵdaida, ótinish berýshini jergilikti atqarýshy organdar Memlekettik korporatsiia ne portal arqyly tiisti qujattardy jańartý qajettigi týraly uialy telefonǵa sms-habarlama arqyly habardar etedi.»;
1-qosymsha osy qaýlyǵa 1-qosymshaǵa sáikes redaktsiiada jazylsyn;
2-qosymsha osy qaýlyǵa 2-qosymshaǵa sáikes redaktsiiada jazylsyn;
osy qaýlyǵa 3-qosymshaǵa sáikes 3-qosymshamen tolyqtyrylsyn.
2. Osy qaýly alǵashqy resmi jariialanǵan kúninen keiin kúntizbelik on kún ótken soń qoldanysqa engiziledi.
Qazaqstan Respýblikasynyń
Premer-Ministri A. Mamin
