QR Indýstriia jáne infraqurylymdyq damý ministri Qaiyrbek Óskenbaev Úkimet otyrysynda turǵyn úi jaldaý sýbsidiiasyna kimder ótinish bere alatynyn túsindirdi, habarlaidy QazAqparat tilshisi.
Onyń aitýynsha, ótinish berýshige qoiylatyn negizgi talaptar mynalar:
1) Qazaqstan Respýblikasynyń azamattyǵy;
2) otbasynyń jiyntyq tabysynyń sońǵy 6 aida otbasynyń árbir múshesine eń tómengi kúnkóris deńgeiiniń 1 eselengen shamasynan aspaityn bolýy;
3) turǵyn úige muqtaj retinde ákimdikte kezekke qoiylǵanyn rastaý;
4) turǵyn úi iesi men ótinish berýshi arasynda jasalǵan sharttyń bolýy.
Tólemderdi taǵaiyndaý úshin ótinish berýshi bankke ETsQ arqyly:
1) tólemder taǵaiyndaýǵa ótinish;
2) turǵyn úidi jaldaý shartyn qosa beredi.
«Qalǵan quqyq belgileitin qujattar tiisti aqparattyq júielerden alynatyn bolady. Otbasy bank usynylǵan qujattardyń sáikestigin qaraidy jáne tekseredi jáne rastaǵan jaǵdaida 10 jumys kúni ishinde jaldaý tólemderin aýdarady», - dedi Qaiyrbek Óskenbaev.
