Memleket basshysy Qasym-Jomart Toqaevtyń 2020 jyldyń 11 mamyr aiynda aitylǵan tapsyrmasyna sáikes, «Qazaqstannyń turǵyn úi qurylys jinaq banki» aktsionerlik qoǵamy («Báiterek» holdinginiń enshiles uiymy) óziniń resmi ataýyn «Otbasy bank» dep ózgertti.
2020 jyldyń 20 jeltoqsanynda «Qazaqstannyń turǵyn úi qurylys jinaq banki» aktsionerlik qoǵamyn «Otbasy bank» turǵyn úi qurylys jinaq banki» aktsionerlik qoǵamyna qaita tirkeý júrgizildi.
Búgingi kúnnen bastap banktiń tolyq ataýy:
- memlekettik tilde: «Otbasy bank» turǵyn úi qurylys jinaq banki» aktsionerlik qoǵamy;
- orys tilinde: aktsionernoe obshestvo «Jilishnyi stroitelnyi sberegatelnyi bank «Otbasy bank»»;
- aǵylshyn tilinde: joint stock company ««Otbasy bank» house construction savings bank».
qysqasha ataýy:
- memlekettik tilde: «Otbasy bank» AQ;
- orys tilinde: AO «Otbasy bank»;
- aǵylshyn tilinde: JSC «Otbasy bank».
Banktiń jalǵyz aktsioneri bolyp - aktsiialardyń memlekettik paketin ielenýge jáne paidalanýǵa 100% quqyǵy bar «Báiterek» ulttyq basqarýshy holdingi» AQ qala bermek. Banktiń zańdy tulǵa retindegi resmi ataýy ǵana ózgertiledi.
Búginnen bastap «Otbasy bank» dep atalatyn burynǵy Turǵyn úi qurylys jinaq banki, turǵyn úi qurylys jinaq júiesin júzege asyratyn bank retinde qala bermek. Sondai-aq qarjy qurylymy memlekettik turǵyn úi baǵdarlamalarynyń operatory mindetindegi qyzmetin de ózgertpeitin bolady.
Sonymen qatar, 2021 jyly «Otbasy bank» turǵyn úidi tirkeý, esepke alý, úlestirý jumystaryn bir ortalyqtan júzege asyratyn tolyqqandy damý jáne qoldaý institýtyna ainalady. Al bul mindetterdi iske asyrý úshin kezekke qoiý júiesin ákimdikterden ««Otbasy bank» turǵyn úi qurylys jinaq bankine» tapsyryp, turǵyn úige muqtaj barlyq azamattar úshin «bir tereze» qaǵidaty boiynsha jumys isteitin «Baspanamen qamtamasyz etý ortalyǵyn» qurý josparlanǵan. Bul jaǵdaida turǵyndarymyzǵa baspanaǵa muqtaj ekenin rastaý úshin birneshe mekemege júginip, kezekte turyp, izinshe nesie alý úshin Bankke kelip áýre-sarsańǵa salynbai, máselesin bir ortalyqtan sheshý múmkindigi týady.
«Banktiń damyǵan infraqurylymy, aqparattyq jáne tehnologiialyq qory turǵyndarymyzdy, ásirese halyqtyń áleýmettik osal toptaryna jatatyn azamattarymyzdy baspanamen qamtamasyz etý jumystaryn jedeldetedi, úi alýǵa kezek qurý júiesin basqarý múmkindigin keńeitedi, turǵyn úige muqtaj azamattarǵa baspana alý rásimin ońtailandyrady. Sonymen qatar bank 1,7 millionnan astam salymshy men 181 myńǵa jýyq zaim alýshylarǵa qyzmet kórsetýin jalǵastyra otyryp, turǵyn úi qurylys jinaq júiesi sheńberindegi óziniń negizgi qyzmetin úzbeidi» - dep, banktiń ataýy ózgerýine bailanysty «Otbasy bank» Basqarma tóraǵasy Liazzat Ibragimova pikir bildirdi.
Búgingi kúni banktiń depozittik portfeli 976 mlrd teńgege teń. Jyl sońyna deiin bul kórsetkish 1 trln teńgege deiin jetedi dep josparlanýda.
«Otbasy bank» turǵyn úi qurylys jinaq banki» AQ — elimizdegi turǵyn úi qurylys jinaq júiesin júzege asyratyn birden-bir bank. Uiym Eýropalyq qurylys jinaq kassalary federatsiiasyna (EQJKF) jáne Halyqaralyq turǵyn úidi qarjylandyrý odaǵyna kiredi. Bankiniń jalǵyz aktsioneri – «Báiterek» Ulttyq basqarýshy holdingi» AQ.
