QR Indýstriia jáne infraqurylymdyq damý birinshi vitse-ministri Qaiyrbek Óskenbaev elimizde turǵyn úi baǵasyna qatysty óz boljamyn usyndy, dep habarlaidy QazAqparat.
«Biz únemi baǵa boljamy boiynsha monitornig júrgizip otyramyz. Biyl qańtar aiynda jańa turǵyn úidiń baǵasy 3,8 paiyzǵa ósse, qoldanystaǵy úidiń baǵasy 7,2 paiyzǵa artqan. Al maýsym aiynda jańa úidiń baǵasy 0,9 paiyzdy kórsetse, qoldanystaǵy baspana baǵasy 1,2 paiyzdy qurap otyr. Aitar bolsaq, Petropavl qalasynda qańtar-aqpan ailarynda qoldanystaǵy turǵyn úidiń baǵasy 5,6 keide 4,6 paiyzǵa deiin óskeni baiqaldy. Sáýir aiynda tómendeý baiqaldy iaǵni 2,4 paiyzǵa tómendedi, qazir de osy baǵa saqtalyp tur deýge bolady», - dedi Óskenbaev OKQ-de ótken baspasóz máslihatynda.
Onyń aitýynsha, elimizde jaz ailarynda turǵyn úi baǵasynyń turaqtanýy buǵan deiin de boljandy.
«Bizdiń boljam boiynsha turǵyn úi baǵasy maýsym-shilde ailarynda turaqtandy, buǵan deiin bolǵan baǵa ósimi zeinetaqy jinaǵyn baspana alýǵa ruqsat etilýimen bailanysty. Búginde ol másele de bir retke keldi. Meniń jeke boljamym boiynsha aldaǵy qyrkúiek aiynda turǵyn úi baǵasynyń tómendeýi kútiledi», - deidi ol.
