Ishki ister ministri Erlan Turǵymbaev jalǵan aqparat taratqandar jaýapkershilikke tartylatyny týraly aitty. Bul týraly "Ult aqparat" Polisia.kz saityna silteme jasap habarlaidy.
Ol áleýmettik jelide taratylǵan jalǵan aqparattarǵa monitoring júrgizilip otyratynyn aitty.
«Men ushaq, tikushaqpen virýs pen biohimiialyq qarý sebilip jatqany týraly aqparat - jalǵan aqparat ekenin aitqanmyn. Bul, árine, ótirik jáne arandatýshylyq. IIM Tergeý departamenti osy fakti boiynsha sotqa deiingi tergeý amaldaryn bastap ketti. Tekserý barysynda bul jaǵdai shetelde órt sóndirý barysynda bolǵany anyqtaldy. Buǵan ushaqtaǵy taný belgileri, órt sóndirý kóligindegi nómir jáne órt sóndirýshilerdiń aǵylshyn tilinde sóileýi dálel bola alady», – deidi Erlan Turǵymbaev.
Ol mundai tehnika Qazaqstanda joq ekeni jáne qoldanylmaitynyn aitty.
«Sol sebepti azamattardy memlekettik organdardyń resmi derekterine ǵana senýdi jáne jalǵan, rastalmaǵan aqparatty taratpaýǵa shaqyramyn», - deidi ministr.
