Ishki ister ministri Erlan Turǵymbaev mobildi toptary baiaý jumys júrgizip jatqan óńirlerdi atady, dep habarlaidy QazAqparat.
«Atap aitqanda, «qyzyl» aimaqta ornalasqan Soltústik Qazaqstan, Pavlodar, Aqmola oblystaryndaǵy mobildi toptardyń jumysy álsiz. Olar 2 nemese 5 zańbuzýshylyqqa deiin anyqtaýda. Al Nur-Sultandaǵy mobildi toptar bir kúnde ǵana 77 zańbuzýshylyqty anyqtaǵan. Al Almaty qalasy men Almaty oblysynda sońǵy 18 kúnde birde-bir zańbuzýshylyqtyń anyqtalǵany habarlanbady», - dedi Erlan Turǵymbaev Úkimet otyrysynda jasaǵan baiandamasynda.
Ministr osyǵan bailanysty óńirlerdegi turǵyndar karantin sharalaryn elemei ketkenin aitady. Naqtyraq aitqanda azamattar maska rejimin saqtamai, buqara kóp baratyn oryndarda jinalatyn bolǵan.
«Onyń ústine halyq arasynda virýstyń qaýpi joqtyǵy týraly nemese vaktsinanyń álsizdigi týrasynda jalǵan aqparat kóp tarap ketti. Osynyń bári de memlekettik organdardyń indetpen kúreste salǵan kúsh-jigerin joqqa shyǵarady», - deidi ol.
