Nur-Sultan men Almaty qalalarynda karantinniń engizilýine qatysty Ishki ister ministri Erlan Turǵymbaev úndeý jasady, dep habarlaidy "Ult aqparat".
«Búgin túnde, iaǵni 19 naýryzdan bastap Almaty men Nur-Sultan qalalarynda karantin engiziledi. Osyǵan orai virýs taramaýy úshin jergilikti ákimdikter jabylatyn oryndardy belgilep, qalalarǵa kirip-shyǵý máselesin pysyqtap jatyr. Ol týraly qosymsha habarlanady. Al ázirge politsiia qyzmetkerleri qalaǵa kiretin barlyq joldy baqylaý aldy. Almaty boiynsha 27 blokpost qoiyldy. 900-den astam politsiia men áskeri qyzmetshi shyqty. Nur-Sultan boiynsha jeti blokpost qoiylyp, 500-den asa qyzmetker jumysqa kirisedi. Sonymen birge, beketterde sanitarlyq dárigerler, jergilikti atqarýshy organdarynyń ókilderi qyzmet atqarady», - dedi Erlan Turǵymbaev «Habar 24» arnasynan tikelei efirden sóilegen sózinde.
Ministr óz sózinde avtokólikter men adamdardyń qozǵalysyna shekteý engiziletinin jetkizdi.
Bul rette ministr azyq-túlik, dári-dármek tasityn kólikterge qalaǵa kirýge tyiym salynbaitynyn málimdedi.
«Qazaqstan tarihynda mundai sharalar birinshi ret ótip jatyr. Sol úshin adamdar bul jaǵdaidy sabyrmen qabyldaýy kerek. Qazir bizdiń qoǵam birlik pen túsinistik emtihanynan ótip jatyr. Halyqaralyq tájiribe tolyqqandy oqshaýlyqtyń jemisti nátijege jetkizetinin kórsetip otyr», - dedi ol.
