نۇر-سۇلتان مەن الماتى قالالارىندا كارانتيننٸڭ ەنگٸزٸلۋٸنە قاتىستى ٸشكٸ ٸستەر مينيسترٸ ەرلان تۇرعىمباەۆ ٷندەۋ جاسادى, دەپ حابارلايدى "ۇلت اقپارات".
«بٷگٸن تٷندە, ياعني 19 ناۋرىزدان باستاپ الماتى مەن نۇر-سۇلتان قالالارىندا كارانتين ەنگٸزٸلەدٸ. وسىعان وراي ۆيرۋس تاراماۋى ٷشٸن جەرگٸلٸكتٸ ەكٸمدٸكتەر جابىلاتىن ورىنداردى بەلگٸلەپ, قالالارعا كٸرٸپ-شىعۋ مەسەلەسٸن پىسىقتاپ جاتىر. ول تۋرالى قوسىمشا حابارلانادى. ال ەزٸرگە پوليتسييا قىزمەتكەرلەرٸ قالاعا كٸرەتٸن بارلىق جولدى باقىلاۋ الدى. الماتى بويىنشا 27 بلوكپوست قويىلدى. 900-دەن استام پوليتسييا مەن ەسكەري قىزمەتشٸ شىقتى. نۇر-سۇلتان بويىنشا جەتٸ بلوكپوست قويىلىپ, 500-دەن اسا قىزمەتكەر جۇمىسقا كٸرٸسەدٸ. سونىمەن بٸرگە, بەكەتتەردە سانيتارلىق دەرٸگەرلەر, جەرگٸلٸكتٸ اتقارۋشى ورگاندارىنىڭ ٶكٸلدەرٸ قىزمەت اتقارادى», - دەدٸ ەرلان تۇرعىمباەۆ «حابار 24» ارناسىنان تٸكەلەي ەفيردەن سٶيلەگەن سٶزٸندە.
مينيستر ٶز سٶزٸندە اۆتوكٶلٸكتەر مەن ادامداردىڭ قوزعالىسىنا شەكتەۋ ەنگٸزٸلەتٸنٸن جەتكٸزدٸ.
بۇل رەتتە مينيستر ازىق-تٷلٸك, دەرٸ-دەرمەك تاسيتىن كٶلٸكتەرگە قالاعا كٸرۋگە تىيىم سالىنبايتىنىن مەلٸمدەدٸ.
«قازاقستان تاريحىندا مۇنداي شارالار بٸرٸنشٸ رەت ٶتٸپ جاتىر. سول ٷشٸن ادامدار بۇل جاعدايدى سابىرمەن قابىلداۋى كەرەك. قازٸر بٸزدٸڭ قوعام بٸرلٸك پەن تٷسٸنٸستٸك ەمتيحانىنان ٶتٸپ جاتىر. حالىقارالىق تەجٸريبە تولىققاندى وقشاۋلىقتىڭ جەمٸستٸ نەتيجەگە جەتكٸزەتٸنٸن كٶرسەتٸپ وتىر», - دەدٸ ول.
