Jergilikti bilik halyqty azyq-túlikpen qamtamasyz etý baǵytynda keshendi jumystar júrgizýde. Oblys ortalyǵynda kommýnaldyq bazarlardaǵy azyq-túlik baǵalary turaqty baqylaýda ustalýda. Qalalyqtardyń arzan da qoljetimdi tamaq ónimderine suranysyn qanaǵattandyrý úshin jaz boiy aýdandardyń oblys ortalyǵyndaǵy kúnderi uiymdastyryldy.
Olarda aýdandardyń tek rýhani jetistikterimen tanystyrylyp qana qoimai, osy shara aiasynda ótkizilgen jármeńkeler arqyly turǵyndarǵa arzan azyq-túlikter usynýǵa da múmkindik týdy. Endi jiyn-terin aiaqtalǵannan keiin oblys ortalyǵynda aýylsharýashylyq taýar óndirýshileriniń jármeńkeleri apta saiyn uiymdastyrylýda. Bul da qalalyqtardyń qysqy kezeńge azyq-túlik qoryn jasap alýǵa alǵyshart jasaýda.
Qys mezgilinde azyq-túlik baǵasyn ósirmeý, olardyń qoljetimdiligin qamtamasyz etý maqsatynda oblystyq turaqtandyrý qoryn tolyqtyrý sharalary alynýda. Qazirgi tańda 7 myń tonnadan astam jemis-jidek pen azyq-túlik oblystyń turaqtandyrý qoryna salyndy
Qalalyqtar suranysyn óteý úshin belgilengen josparǵa sáikes oblystyń turaqtandyrý qoryna 1000 tonna kartop, 136 tonna sábiz, 68 tonna oramjapyraq, 200 tonna jýa, 10 tonna qyzylsha salynǵan. 2016 jyldyń kókteminde ónimderdi saqtaityn barlyq qoimasy bar «Prigorodnyi» JShS-men kelisimshartqa qol qoiyldy. Aldaǵy qysta azyq-túlik baǵasyn turaqtandyrý boiynsha jumystardy kúsheitý úshin qosymsha 272 tonna qant, 200 tonna ósimdik maiy, 204 tonna kúrish, birinshi surypty 200 tonna un satyp alý týraly sheshim qabyldandy. Turaqtandyrý qorynyń ónimi «Tabys» kommýnaldyq bazarynda, 10 shaǵyn bazarda jáne 2 áleýmettik dúkende, sonymen qatar, oblys aýdandarynda júzege asyrylatyn bolady.
Bul jumys aýdandarda da júieli júrgizilýde. Osy kezge deiin aýdandarda 4 myń tonnaǵa jýyq ónim salyndy. Oblysta 33 túrli áleýmettik azyq-túlik baǵasyn kótermei ustap turýdyń qaitarymdy sharalary alynýda. Osy baǵytta qurylǵan arnaýly jumys toby bazarlardaǵy baǵaǵa baqylaý jasap, monitoring júrgizedi. Bul azyq-túlik saýdasynda tártip pen turaqtylyqtyń bolýyna alǵyshart jasaýda. Biyl oblys diqandary astyqtan burynǵy jyldarǵa qaraǵanda, anaǵurlym mol ónim aldy. Munyń ózi óńirde un jáne nan ónimderine baǵany turaqty ustaýǵa múmkindik beredi. Sondai-aq, kartop pen kókónisten de táýir ónim jinaldy. Áleýmettik azyq-túliktiń jetpeitin bóligin óńiraralyq kooperatsiia negizinde tolyqtyrý qarastyrylýda. Jalpy, oblysta azyq-túlikten tarshylyq bolmaidy. Buǵan qazirdiń ózinde berik negiz qalandy.
Satybaldy SÁÝIRBAI,
«Egemen Qazaqstan»
Aqtóbe oblysy
.jpeg)