Tuńǵyshynan aiyrylǵan aktrisa Janargúl Janyamanova Instagram paraqshasynda marqum ulyna arnap áserli jazba jariialady, dep habarlaidy ult.kz.
Óner iesi ulymen birge ótkizgen 12 jylyn Allanyń bergen úlken nyǵmeti dep atap, onyń meiirimdiligi, danalyǵy men sabyryn erekshe eske aldy.
«12 jyl óte meiirimdi, aqyldy, sulý, talantty, dana tulǵanyń ata-anasy bolǵanymyzǵa Allaǵa rahmet. Sen bizge ustaz boldyń, ustaz bolyp qalasyń. Kóp nárseni úirettiń, áli de úiretesiń. Sen bizge meiirimdiliktiń, shydamdylyqtyń, naǵyz musylmandylyqtyń úlgisin kórsettiń», – dep jazdy aktrisa.
Sondai-aq Janargúl Janyamanova emdeý protsesine qatysty kókeiinde jaýapsyz suraqtar qalǵanyn, alaida bul synaqtyń da Jaratýshynyń bir hikmeti ekenine senetinin aitty.
«Balamyz ómir súrýin toqtatqan joq, máńgilik ómirge bizden buryn oraldy. Bizdiń qarym-qatynasymyz úzilgen joq, ata-ana retindegi mindetimiz de aiaqtalǵan joq. Ol qazir úide, kerisinshe biz qonaqtamyz», – dep bólisti aktrisa.
Jazba áleýmettik jeli qoldanýshylarynyń júregin tebirentip, kópshilik aktrisaǵa kóńil aityp, sabyr tiledi.
