تۇڭعىشىنان ايىرىلعان اكتريسا جانارگٷل جانىامانوۆا Instagram پاراقشاسىندا مارقۇم ۇلىنا ارناپ ەسەرلٸ جازبا جارييالادى, دەپ حابارلايدى ult.kz.
ٶنەر يەسٸ ۇلىمەن بٸرگە ٶتكٸزگەن 12 جىلىن اللانىڭ بەرگەن ٷلكەن نىعمەتٸ دەپ اتاپ, ونىڭ مەيٸرٸمدٸلٸگٸ, دانالىعى مەن سابىرىن ەرەكشە ەسكە الدى.
«12 جىل ٶتە مەيٸرٸمدٸ, اقىلدى, سۇلۋ, تالانتتى, دانا تۇلعانىڭ اتا-اناسى بولعانىمىزعا اللاعا راحمەت. سەن بٸزگە ۇستاز بولدىڭ, ۇستاز بولىپ قالاسىڭ. كٶپ نەرسەنٸ ٷيرەتتٸڭ, ەلٸ دە ٷيرەتەسٸڭ. سەن بٸزگە مەيٸرٸمدٸلٸكتٸڭ, شىدامدىلىقتىڭ, ناعىز مۇسىلماندىلىقتىڭ ٷلگٸسٸن كٶرسەتتٸڭ», – دەپ جازدى اكتريسا.
سونداي-اق جانارگٷل جانىامانوۆا ەمدەۋ پروتسەسٸنە قاتىستى كٶكەيٸندە جاۋاپسىز سۇراقتار قالعانىن, الايدا بۇل سىناقتىڭ دا جاراتۋشىنىڭ بٸر حيكمەتٸ ەكەنٸنە سەنەتٸنٸن ايتتى.
«بالامىز ٶمٸر سٷرۋٸن توقتاتقان جوق, مەڭگٸلٸك ٶمٸرگە بٸزدەن بۇرىن ورالدى. بٸزدٸڭ قارىم-قاتىناسىمىز ٷزٸلگەن جوق, اتا-انا رەتٸندەگٸ مٸندەتٸمٸز دە اياقتالعان جوق. ول قازٸر ٷيدە, كەرٸسٸنشە بٸز قوناقتامىز», – دەپ بٶلٸستٸ اكتريسا.
جازبا ەلەۋمەتتٸك جەلٸ قولدانۋشىلارىنىڭ جٷرەگٸن تەبٸرەنتٸپ, كٶپشٸلٸك اكتريساعا كٶڭٸل ايتىپ, سابىر تٸلەدٸ.
