Elbasy týraly Konstitýtsiialyq zańnyń kúshi joiyldy, dep habarlaidy "Ult aqparat" Aqordanyń baspasóz qyzmetine silteme jasap.
"Memleket basshysy «Qazaqstan Respýblikasynyń Tuńǵysh Prezidenti – Elbasy týraly» Qazaqstan Respýblikasy Konstitýtsiialyq zańynyń kúshi joiyldy dep taný týraly» Qazaqstan Respýblikasynyń Konstitýtsiialyq zańyna qol qoidy" - delingen habarlamada.
Konstitýtsiialyq zańnyń mátini baspasózde jariialandy.
Aita keteiik, buǵan deiin 13 qańtarda QR Parlamenti palatalarynyń birlesken otyrysynda «QR Tuńǵysh Prezidenti – Elbasy týraly» Konstitýtsiialyq zańnyń kúshi joiyldy dep taný týraly» Konstitýtsiialyq zań qabyldanǵan bolatyn.
«Konstitýtsiiaǵa engizilgen túzetýlerge sáikes Qazaqstan Respýblikasy Tuńǵysh Prezidentiniń mártebesi men ókilettigi Respýblika Konstitýtsiiasymen jáne konstitýtsiialyq zańmen aiqyndalady degen normany kózdeitin Konstitýtsiianyń 46-baby 4-tarmaǵy alynyp tastaldy. Osyǵan orai, quqyqtyq negizdiń joq ekendigin eskere otyryp, bul zań jobasymen Konstitýtsiialyq zańnyń kúshin joiý kózdeledi», - degen edi Májilistiń zańnama jáne sot-quqyqtyq reforma komitetiniń tóraǵasy Arman Qojahmetov.
Eske salaiyq, byltyr Parlamenttiń qos palatasy da zańnyń kúshi joiyldy dep tanýǵa daýys bergen edi. 2022 jyldyń maýsymynda Konstitýtsiiaǵa engizilgen ózgerister men tolyqtyrýlar kúshine endi. Ony ótkizilgen referendým qorytyndysy boiynsha azamattar qoldady.
Ózgerister arasynda Nursultan Nazarbaev pen onymen birge turatyn otbasy múshelerin birqatar artyqshylyq pen kepildikten aiyrý da boldy. Endi olar bul artyqshylyqtardan resmi túrde aiyryldy.
