ەلباسى تۋرالى كونستيتۋتسييالىق زاڭنىڭ كٷشi جويىلدى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
"مەملەكەت باسشىسى «قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى تۋرالى» قازاقستان رەسپۋبليكاسى كونستيتۋتسييالىق زاڭىنىڭ كٷشi جويىلدى دەپ تانۋ تۋرالى» قازاقستان رەسپۋبليكاسىنىڭ كونستيتۋتسييالىق زاڭىنا قول قويدى" - دەلٸنگەن حابارلامادا.
كونستيتۋتسييالىق زاڭنىڭ مەتٸنٸ باسپاسٶزدە جارييالاندى.
ايتا كەتەيٸك, بۇعان دەيٸن 13 قاڭتاردا قر پارلامەنتٸ پالاتالارىنىڭ بٸرلەسكەن وتىرىسىندا «قر تۇڭعىش پرەزيدەنتٸ – ەلباسى تۋرالى» كونستيتۋتسييالىق زاڭنىڭ كٷشi جويىلدى دەپ تانۋ تۋرالى» كونستيتۋتسييالىق زاڭ قابىلدانعان بولاتىن.
«كونستيتۋتسيياعا ەنگٸزٸلگەن تٷزەتۋلەرگە سەيكەس قازاقستان رەسپۋبليكاسى تۇڭعىش پرەزيدەنتٸنٸڭ مەرتەبەسٸ مەن ٶكٸلەتتٸگٸ رەسپۋبليكا كونستيتۋتسيياسىمەن جەنە كونستيتۋتسييالىق زاڭمەن ايقىندالادى دەگەن نورمانى كٶزدەيتٸن كونستيتۋتسييانىڭ 46-بابى 4-تارماعى الىنىپ تاستالدى. وسىعان وراي, قۇقىقتىق نەگٸزدٸڭ جوق ەكەندٸگٸن ەسكەرە وتىرىپ, بۇل زاڭ جوباسىمەن كونستيتۋتسييالىق زاڭنىڭ كٷشٸن جويۋ كٶزدەلەدٸ», - دەگەن ەدٸ مەجٸلٸستٸڭ زاڭناما جەنە سوت-قۇقىقتىق رەفورما كوميتەتٸنٸڭ تٶراعاسى ارمان قوجاحمەتوۆ.
ەسكە سالايىق, بىلتىر پارلامەنتتٸڭ قوس پالاتاسى دا زاڭنىڭ كٷشٸ جويىلدى دەپ تانۋعا داۋىس بەرگەن ەدٸ. 2022 جىلدىڭ ماۋسىمىندا كونستيتۋتسيياعا ەنگٸزٸلگەن ٶزگەرٸستەر مەن تولىقتىرۋلار كٷشٸنە ەندٸ. ونى ٶتكٸزٸلگەن رەفەرەندۋم قورىتىندىسى بويىنشا ازاماتتار قولدادى.
ٶزگەرٸستەر اراسىندا نۇرسۇلتان نازارباەۆ پەن ونىمەن بٸرگە تۇراتىن وتباسى مٷشەلەرٸن بٸرقاتار ارتىقشىلىق پەن كەپٸلدٸكتەن ايىرۋ دا بولدى. ەندٸ ولار بۇل ارتىقشىلىقتاردان رەسمي تٷردە ايىرىلدى.
