30 qarasha men 1 jeltoqsanda Tuńǵysh Prezident kúnin merekeleýge orai qala turǵyndary men qonaqtary «Red Bus» eki qabatty ekskýrsiialyq avtobýstarymen elordanyń kórikti oryndaryn tamashalaýǵa múmkindik beretin tegin ekskýrsiiaǵa qatysa alady, dep habarlaidy qala ákimdiginiń resmi saity.
Ekskýrsiia «AiLand» (okeanariým) kóńil-kóterý ortalyǵynan jáne «Astana-Báiterek» monýmentinen bastalady. Ekskýrsiia avtobýs ishindegi dybys kúsheitkishter arqyly qazaq jáne orys tilderindegi aýdiogidter kómegimen júzege asyrylady (bir reis - qazaq tilinde, ekinshi reis - orys tilinde, aýysý arqyly).
Ekskýrsiiany belgili bir tilde ǵana tyńdaǵysy keletinder ózderimen birge qulaqqap alyp kelýi kerek. Merekelik tegin serýen kezinde qulaqqaptar berilmeidi.
Avtobýstardyń qozǵalys kestesi:
«AiLand» aialdamasynan qozǵalý ýaqyty:
- saǵ. 10.00 (orys tilinde);
- saǵ. 12.10 (qazaq tilinde);
- saǵ. 14.30 (orys tilinde);
- saǵ. 16.40 (qazaq tilinde);
- saǵ. 18.50 (orys tilinde).
Ary qarai kelesi aialdamalar bolady: «Han Shatyr» SOSO, «Máńgilik El» saltanat qaqpasy, «Nur-Álem» sferasy, Ulttyq Mýzei, «Astana Báiterek» monýmenti jáne«AiLand» (okeanariým) kóńil-kóterý ortalyǵy.
«Astana Báiterek» monýmenti aialdamasynan qozǵalý ýaqyty:
- saǵ. 10.30 (qazaq tilinde);
- saǵ. 12.40 (orys tilinde);
- saǵ. 15.00 (qazaq tilinde);
- saǵ. 17.10 (orys tilinde);
- saǵ. 19.20 (qazaq tilinde).
Ary qarai kelesi aialdamalar bolady: «AiLand» (okeanariým) kóńil-kóterý ortalyǵy, «Han Shatyr» SOSO, «Máńgilik El» saltanat qaqpasy. «Nur-Álem» sferasy, Ulttyq Mýzei jáne «Astana Báiterek» monýmenti.
