Tuńǵysh Prezident kúni qarsańynda Ońtústik Qazaqstan oblysy Sozaq aýdanynyń ortalyǵy Sholaqqorǵan aýylynda shaǵyn fýtbol alańy ashyldy, dep habarlaidy "Ult aqparat" "Egemen Qazaqstan" basylymyna silteme jasap.
Jankúierlerdiń sporttyq jarystardy tamashalaýyna barlyq jaǵdai jasalyp, jańa qurylǵylar ornatylǵan, jasandy tóskenish salynǵan fýtbol alańshasyna aýdandyq biýdjetten 11 mln teńge jumsalypty.
Sport alańynyń ashylý saltanatynda Sozaq aýdanynyń ákimi Salyhan Polatov: «Elbasy N. Á. Nazarbaev Qazaqstan halqyna arnaǵan Joldaýynda, aýdan, qala ákimderine halyqtyń dene shynyqtyrýmen jáne sportpen jappai ainalysýy úshin sporttyq infraqurylymdardyń qoljetimdiligin keńeitýdi tapsyrǵan bolatyn. Búginde biz osy tapsyrmany oryndaý maqsatynda jumystar jasap kelemiz. Máselen, aýdan boiynsha 236 sport ǵimaraty bar. Onyń ishinde ippadrom, tennis alańy, júzý basseinderi turaqty jumys istep keledi. Mine, búgin taǵy bir shaǵyn fýtbol alańyn ashyp, barsha sportsúier qaýymǵa jaǵdai jasap otyrmyz», - dedi.
Sondai-aq, aýdandyq máslihattyń hatshysy Begimbet Baiǵaraev, ardager sportshy, Sozaq aýdanynyń Qurmetti azamaty Amanǵali Aimurzaev sóz sóilep, jinalǵan qaýymdy quttyqtady.
Saltanatty jiyn sońy aýyl okrýgter arasynda jasaqtalǵan komandalar arasynda fýtboldan jarysqa ulasty. Jyl aiaǵyna deiin Sholaqqorǵan aýylynda demeýshiler esebinen taǵy bir sport alańshasy ashylmaq.
