Ardaq Áshimbekuly Memlekettik kúzet qyzmeti bastyǵynyń birinshi orynbasary - Elbasynyń qaýipsizdik qyzmetiniń bastyǵy bolyp taǵaiyndaldy, dep habarlaidy "Ult aqparat" Aqordanyń saityna silteme jasap.
"Qazaqstan Respýblikasynyń Tuńǵysh Prezidenti - Elbasynyń sheshimimen Ardaq Áshimbekuly Qazaqstan Respýblikasynyń Memlekettik kúzet qyzmeti bastyǵynyń birinshi orynbasary - Qazaqstan Respýblikasynyń Tuńǵysh Prezidenti - Elbasynyń qaýipsizdigi qyzmetiniń bastyǵy bolyp taǵaiyndaldy", delingen Aqordanyń habarlamasynda.
General-maior Ardaq Áshimbekuly buǵan deiin memlekettik kúzet qyzmetiniń bastyǵy qyzmetin atqardy.
Esterińizge sala keteiik, búgin memleket basshysy Qasym-Jomart Toqaev Ánýar Sadyqulovty Qazaqstan Respýblikasy memlekettik kúzet qyzmetiniń bastyǵy qyzmetine taǵaiyndaǵan bolatyn.
