Elordada «Tumar» ulttyq televiziialyq báigesiniń 2021 jylǵy jeńimpazdary marapattaldy, dep habarlaidy "Ult aqparat".
Jeńimpazdar 10 atalym boiynsha marapattaldy. Olarǵa estelik músinshe men 1 mln teńge syiaqy berildi.
«Úzdik aqparattyq baǵdarlama» atalymy boiynsha Eýraziia telearnasynyń «Analitika» baǵdarlamasyna buiyrdy.
«Úzdik telejýrnalist» atalymy boiynsha «ATAMEKEN BUSINESS» telearnasynyń jýrnalisi Rýslan Idrisov jeńimpaz atandy.
«Úzdik derekti film» atalymyn «Nyǵmet Nurmaqov. Tórtinshi Premer-Ministr» jobasyn usynǵan «Saryarqa» telearnasy aldy.
«Úzdik telejúrgizýshi» atalymy boiynsha «KTK» telearnasynyń qyzmetkeri Kámila Júsipova úzdik dep tanyldy.
Al «Úzdik áleýmettik joba» nominatsiiasy pandemiia kezinde Qazaqstan ulttyq arnasy arqyly kórermenge jol tartqan «Teledáriger» baǵdarlamasyna buiyrdy.
Qazaqstan ulttyq telearnasy «Júzden júirik» atty taǵy bir jobasy «Úzdik oiyn-saýyq baǵdarlamasy» atalymyna ie boldy.
«Úzdik aimaqtyq telearna» nominatsiiasyn Pavlodar qalasynyń «Irbis TV» arnasy jeńip aldy.
«Úzdik rejisserlik jumys» nominatsiiasy boiynsha «NTK» telearnasynyń «JOL» derekti filmi úzdik atandy.
«Úzdik televiziialyq serial» atalymyn «Habar» telearnasynyń «Abai joly» serialy úzdik jumys dep baǵalandy.
«Úzdik tok-shoý» nominatsiiasy boiynsha «Astana TV» telearnasynyń «Aitarym bar» baǵdarlamasy jeńimpaz atandy.
