Túlkibas aýdanynda Elbasymyz N.Á.Nazarbaev árbir aýylǵa investitsiia tartý, kásipkerlik salasyn damytý jónindegi tapsyrmasyn oryndaý maqsatynda aýqymdy jumystar atqarylyp keledi, dep habarlaidy OQO ákimdiginiń baspasóz qyzmeti.
Osy maqsatta aýdan ákimi N.Turashbekov Qytai elinen kelgen kásipker Lodjy Dýng pen onyń biznestegi seriktesi Iatsi Min myrzamen kezdesti.
Kezdesý barysynda áktas óndirýde tájiribesi mol kásiporyn Túlkibas aýdanynan álemdik standartqa sai ák zaýytyn salýǵa nietti ekenin aityp, jobaǵa 10 mln AQSh dollary bolatyn investitsiia quiýǵa daiyn ekenin jetkizdi.
«Úrimshi qalasynda áktas shyǵaratyn 3 birdei zaýytymyz jumys istep tur. Bul baǵytta bizdiń tájiribemiz mol. Joba quny – 10 mln AQSh dollaryn quraidy. Onyń 7 mln. dollary zaýytqa zamanaýi qondyrǵylar alýǵa jumsalady. Kásiporyn táýligine 400 tonna oksid kaltsiin shyǵarýǵa qaýqarly bolady», - deidi Lodjy Dýng myrza.
Óz kezeginde aýdan ákimi investorlarǵa memleket tarapynan kórsetiletin kómekter men jeńildikterdi baiandap, óńirdiń ekonomikalyq–áleýmettik ahýalyn áńgimeledi.
Eger joba iske assa, atalǵan zaýytta jańadan 110 jumys oryny ashylady dep kútilýde.
Jumys saparymen kelgen kásipkerler munan bólek, aýdandaǵy ák tas óndiretin kásiporyndardyń jumysymen tanysty.
