Túrkistan oblysy, Túlkibas aýdanyna El Prezidentiniń tapsyrmasyna sáikes, Qazaqstan Respýlikasy Parlamenti Májilisiniń depýtaty Erjan Qudaibergen Tólepuly bastaǵan Qazaqstan Respýblikasy Aýyl sharýashylyǵy vitse-ministri Tamabek Ábilhaiyr, QR Indýstriia jáne infraqurylymdyq damý vitse-ministri Daýylbaev Erkebulan jáne atalǵan ministrlikterdiń ókilderi men QR Ekologiia, geologiia jáne tabiǵi resýrstar ministrligi, Sý resýrstary komiteti tóraǵasynyń orynbasary Bekmaǵanbetov Dosbol arnaiy kelip, sharýa qojalyqtary tóraǵalarymen kezdesti.
«Kezdesý barysynda atalǵan saladaǵy ózekti máseleler talqylanyp, sheshý joldary qarastyryldy. Tarqatyp aitsaq, aýdandaǵy aýyl sharýashylyǵy taýaryn óndirýshileriniń kókeiinde júrgen aǵyn sý, jaiylym jerdiń azdyǵy, memleketten jeńildetilgen nesie alý, jańa jumys oryndaryn ashý, ár okrýgten kókónis qoimalaryn salý, aýyl sharýashylyǵy tehnikalaryn jańartý, sýbsidiia men tyńaitqysh máselesi aityldy» delingen oblys ákimdiginiń baspasóz habarlamasynda.
Jaýapty ministrlik, komitet ókilderi jáne Parlament depýtaty sharýalar kótergen árbir másele nazarǵa alynyp, tiisti jumystar atqarylatynyń jetkizip, saýaldaryna zań talaptaryna sai jaýap berdi. Sonymen qatar Qudaibergen Erjan búgingi tańda Parlament qabyrǵasynda aýyl sharýashylyǵy salasyn ilgeriletý boiynsha qabyldanǵaly jatqan Zań jobalarymen bólisti.
