Túrkistan oblysy, Túlkibas aýdanynda turǵyn-úi soǵýǵa jer telimin bólý túiiniń sheshý maqsatynda aldaǵy jyly aýqymdy jumystar bastaý almaq, dep habarlaidy «Ult aqparat» oblys ákimdiginiń baspasóz qyzmetine silteme jasap.
Máselen, eki kezeńmen eldi mekenderdiń sheginen turǵyn úi soǵýǵa qajetti infraqurylym júrgizý jumystar iske asady. Bul másele Túlkibas aýdanynyń ákimi Nurlan Baiǵuttyń tóraǵalyǵymen ótken májiliste talqylandy.
Birinshi kezeńde jalpy tórt eldi mekende 569 jer telimine qajetti infraqurylym tartý jumystary josparlanyp otyr. Atalǵan jumystar kelesi jyldyń sońyna deiin aiaqtalady dep josparlanǵan. Ekinshi kezeńmen Aqbiik, Jabaǵyly, aýdan ortalyǵyna qarasty «Nurshýaq» móltek aýdanynan jáne Kereit aýylynyń sheginen infraqurylym júrgizý jumystary josparǵa engizilip otyr.
Iske asatyn jobalardyń qujattary tiisti oblystyq salalyq basqarmaǵa usynylǵan. Qoldaý taýyp, qarjy bólingen jaǵdaida aldaǵy jyly atalǵan eldi mekenderde jer kezegindegi azamattardyń ótinishin qanaǵattandyrý maqsatynda aýqymdy jumystar atqarylady.
