2019-2020 oqý jylynyń qorytyndysy boiynsha 6 515 elordalyq oqýshy attestat alady. Saltanatty rásim qalanyń barlyq orta oqý oryndarynda 3 maýsymda ótedi.
Nur-Sultan ákimdiginen málim etkendei, attestat oqý oryndarynyń aýlalarynda tapsyrylady. Odan keiin aǵash otyrǵyzý rásimi ótedi.
«Elordada karantin rejiminiń saqtalýyna bailanysty atalmysh is-sharalar barlyq sanitarlyq normalardy saqtai otyryp, mektep aýlalarynda ótedi. Oqýshylar rásimge mektep formasymen qatysady. Attestat tapsyrǵannan keiin «túlekter alleiasynda» kóshet otyrǵyzý aktsiiasy josparlanǵan. Nur-Sultan qalalyq bilim basqarmasy eskertedi: mektep bitirý keshterin ótkizýge qatań tyiym salynady», – dedi qalalyq Bilim basqarmasynyń baspasóz hatshysy Altynai Zarlyqqyzy.
Biyl 6 199 oqýshy nemese oqýshylardyń jalpy sanynyń 95% ulttyq biryńǵai test (UBT) tapsyrady. Onyń ishinde 3 665 - qazaq, 2 495 - orys, 39 - aǵylshyn tilinde. Bul rette, UBT ótkizý formaty ózgerissiz qalady, uzaqtyǵy - 3 saǵat 50 minýt. Test eki bloktan – 3 negizgi pán (20 tapsyrma) jáne 2 beiindik pánnen (30 tapsyrma) turady.
UBT-ǵa 11-shi synyptyń tórtinshi toqsanynyń tapsyrmalary engizilmeidi.
«Karantin rejimin eskere otyryp, test bastalar aldynda emtihan tapsyrýshylardyń temperatýrasy ólshenip, oqýshylar arasynda qaýipsiz qashyqtyq saqtalady. Sondai-aq qosymsha sanitarlyq sharalar qabyldanady. Budan basqa, oqýshylardy UBT ótetin jerge tegin jetkizý qamtamasyz etiledi. Ata-analar óz balalarynyń ýaqytynda kelýin jáne qaýipsizdigin qamtamasyz etýge mindetti. UBT bastalǵanǵa deiin ǵimarattardyń órtke qarsy qaýipsizdigi tekseriledi, meditsinalyq kómek jáne quqyqtyq tártipti qorǵaý uiymdastyrylady», - delingen ákimdik aqparatynda.
Biyl «Altyn belgige» - 359, úzdik attestatqa 379 túlek úmitker.
