2019-2020 وقۋ جىلىنىڭ قورىتىندىسى بويىنشا 6 515 ەلوردالىق وقۋشى اتتەستات الادى. سالتاناتتى رەسٸم قالانىڭ بارلىق ورتا وقۋ ورىندارىندا 3 ماۋسىمدا ٶتەدٸ.
نۇر-سۇلتان ەكٸمدٸگٸنەن مەلٸم ەتكەندەي, اتتەستات وقۋ ورىندارىنىڭ اۋلالارىندا تاپسىرىلادى. ودان كەيٸن اعاش وتىرعىزۋ رەسٸمٸ ٶتەدٸ.
«ەلوردادا كارانتين رەجيمٸنٸڭ ساقتالۋىنا بايلانىستى اتالمىش ٸس-شارالار بارلىق سانيتارلىق نورمالاردى ساقتاي وتىرىپ, مەكتەپ اۋلالارىندا ٶتەدٸ. وقۋشىلار رەسٸمگە مەكتەپ فورماسىمەن قاتىسادى. اتتەستات تاپسىرعاننان كەيٸن «تٷلەكتەر اللەياسىندا» كٶشەت وتىرعىزۋ اكتسيياسى جوسپارلانعان. نۇر-سۇلتان قالالىق بٸلٸم باسقارماسى ەسكەرتەدٸ: مەكتەپ بٸتٸرۋ كەشتەرٸن ٶتكٸزۋگە قاتاڭ تىيىم سالىنادى», – دەدٸ قالالىق بٸلٸم باسقارماسىنىڭ باسپاسٶز حاتشىسى التىناي زارلىققىزى.
بيىل 6 199 وقۋشى نەمەسە وقۋشىلاردىڭ جالپى سانىنىڭ 95% ۇلتتىق بٸرىڭعاي تەست (ۇبت) تاپسىرادى. ونىڭ ٸشٸندە 3 665 - قازاق, 2 495 - ورىس, 39 - اعىلشىن تٸلٸندە. بۇل رەتتە, ۇبت ٶتكٸزۋ فورماتى ٶزگەرٸسسٸز قالادى, ۇزاقتىعى - 3 ساعات 50 مينۋت. تەست ەكٸ بلوكتان – 3 نەگٸزگٸ پەن (20 تاپسىرما) جەنە 2 بەيٸندٸك پەننەن (30 تاپسىرما) تۇرادى.
ۇبت-عا 11-شٸ سىنىپتىڭ تٶرتٸنشٸ توقسانىنىڭ تاپسىرمالارى ەنگٸزٸلمەيدٸ.
«كارانتين رەجيمٸن ەسكەرە وتىرىپ, تەست باستالار الدىندا ەمتيحان تاپسىرۋشىلاردىڭ تەمپەراتۋراسى ٶلشەنٸپ, وقۋشىلار اراسىندا قاۋٸپسٸز قاشىقتىق ساقتالادى. سونداي-اق قوسىمشا سانيتارلىق شارالار قابىلدانادى. بۇدان باسقا, وقۋشىلاردى ۇبت ٶتەتٸن جەرگە تەگٸن جەتكٸزۋ قامتاماسىز ەتٸلەدٸ. اتا-انالار ٶز بالالارىنىڭ ۋاقىتىندا كەلۋٸن جەنە قاۋٸپسٸزدٸگٸن قامتاماسىز ەتۋگە مٸندەتتٸ. ۇبت باستالعانعا دەيٸن عيماراتتاردىڭ ٶرتكە قارسى قاۋٸپسٸزدٸگٸ تەكسەرٸلەدٸ, مەديتسينالىق كٶمەك جەنە قۇقىقتىق تەرتٸپتٸ قورعاۋ ۇيىمداستىرىلادى», - دەلٸنگەن ەكٸمدٸك اقپاراتىندا.
بيىل «التىن بەلگٸگە» - 359, ٷزدٸك اتتەستاتقا 379 تٷلەك ٷمٸتكەر.
