Foto: Vesti.kz
Belgili sport jýrnalisi Nesip Júnisbaev Olimpiada chempiony Eldos Smetovke materialdyq dúnie syilai bergendi toqtatý kerek dep esepteidi. Onyń ornyna mundai tekti azamattyń urpaǵyn kóbeitý kerek degen pikir aitty.
Smetov Olimpiada altynyn jeńip alǵannan keiin eldegi iri kásipkerler oǵan úiir-úiir jylqy, qymbat avtokólikter syilaitynyn málimlegen edi.
"Sabyr, aǵaiyn! 100 jylqy, 100 mashina syilanǵan Bekzat Sattarhanovty umytpańdar. Bailyqtan kende bolmas Eldosjan. Eń aldymen, Alla altynnan qymbat aqyl syilasyn. Jaratýshy bir janǵa azdyq etpes uzaq ǵumyr syilasyn. Men biletin bir toqtam: Eldosta 30 ul men 40 qyz bolýy kerek. Mundai asyl jigittiń urpaǵy mol bolýǵa tiis. Ulttyń bailyǵy sol bolar… Qazaq muny «tuqym alý kerek» deidi. Tutas 12 jylda tómendemei, bir Olimpiadadan bir Olimpiadaǵa oza shapqan Eldostyń tuqymy asyl eken. Endi sol bailyqty saqtaý kerek qazaq úshin. Mal bailyq emes, urpaq bailyq. Mashina mingizip muratyna jetkizbeimiz. Halyq bolyp qorshap, el bolyp enshi bólip, jurt bolyp jolyna qurban shalsaq qana altyn uldy saqtai alamyz", - dep jazdy ol áleýmettik jelide.
Eldos Smetov sońǵy úsh Olimpiada oiyndaryna qatysyp, bárinde júlde aldy. 2016 jyly Rioda kúmis júlde jeńip alsa, 2020 jylǵy Tokio Olimpiadasyn qola júldemen aiaqtady. Al, kúni keshe Parijdiń altynyn moinyna taqqan bolatyn.
