«Týǵan jer» jobasy júzege asyrylǵan ýaqyttan beri 17 mektep, 62 balabaqsha, 36 mádeniet nysany, 23 densaýlyq saqtaý nysany, 169 sport nysany, 32 balalarǵa arnalǵan alań salyndy jáne 59 mektep, 26 balabaqsha, 51 mádeniet nysany, 43 sport nysany, 15 densaýlyq saqtaý nysany qalpyna keltirildi, dep habarlaidy Baq.kz agenttigi.
2018 jyldyń I jartyjyldyǵynda metsenattardyń arqasynda 43 nysan boi kóterip, 1 nysan jańǵyrtyldy.
Respýblika boiynsha jańa infraqurylymdyq nysandar iske qosylyp, olardyń jumys istep turǵandary jańǵyryldy.
Aqmola oblysynda metsenattardyń esebinen jas mamandarǵa arnalǵan 2 úi salynyp, 32 páterli úsh turǵyn úi, 3 mektepke deiingi mekeme jáne 10 mektep, 2 densaýlyq saqtaý nysany jańǵyrtyldy jáne qalpyna keltirildi, 2 aýyldyq okrýg úshin jedel járdem avtomobilderi satyp alyndy, 5 mádeniet nysany men 9 sport nysanyna jóndeý jumystary júrgizildi. Sonymen qatar, Qorǵaljyn memlekettik qoryǵynyń aýmaǵynda ornitologiia ortalyǵy quryldy.
Aqtóbe oblysynda neke qiiý saraiy, «Analarǵa taǵzym» atty Qazaqstandaǵy tuńǵysh rýhani-adamgershilikke tárbieleý ortalyǵy, Balalarǵa arnalǵan shyǵarmashylyq akademiiasy, «Jubanovtar álemi» óner ortalyǵy, Oiyl aýlyndaǵy «Meiirim» áleýmettik úii, 1 200 orynǵa arnalǵan erekshe kontsert zaly bar SNPS-Aqtóbemunaigaz kompaniiasynan óner ortalyǵy, Aqtóbe qalasyndaǵy hokkei sport-jattyqtyrý kesheni jáne oblys boiynsha taǵy basqa 11 sporttyq nysan, jyl boiy jumys jasaityn balalar lageri, jazǵy akvapark, 4 balabaqsha, dárigerlik pýnkt jáne 6 mádeni nysan paidalanýǵa berildi.
Sondai-aq, metsenattardyń qarajaty esebinen Aqtóbe qalasyndaǵy oblystyq tarihi-ólketaný mýzeiiniń qurylysy bastaldy. Jergilikti kásipkerlerdiń qoldaýymen óńirdegi birqatar mektep, aýyl klýbary jáne basqa da áleýmettik nysandarda kúrdeli jóndeý jumystary júrgizildi jáne áleýmettik álsiz toptarǵa jatatyn azamattarǵa túrli mereke kezinde áleýmettik kómek kórsetti.
Almaty oblysynda «Rýhani jańǵyrý» mamandandyrylǵan ortalyǵynyń ǵimaraty, Tuńǵysh Prezidenttiń tarihi-mádeni ortalyǵy, «Batyr babalar» mýzeii, halyqtyń áleýmettik álsiz tobyna arnalǵan 37 úi, jylyjai kesheni, 3 balabaqsha (120, 100 jáne 65 orynǵa arnalǵan), túrli sporttyq jáne bilim berý nysany men aýan deńgeiindegi joldar salyndy.
Sonymen qatar, Eńbekshi aýdanynda qosymsha bilim berý ortalyǵynyń qurylysy júrgizilip jatyr. Sondai-aq, Aitóbe aýyldyq okrýginde mektep qurylysy júrgizilýde.
Atyraý oblysynda 6 balabaqsha, 4 balalarǵa arnalǵan sport alańy salynyp, paidalanýǵa berildi, mádeniet jáne ardagerler úileri, «Atameken» men «Jeńis» parkteri, «Yrysty» sport kesheni jáne taǵy basqa nysandar ashyldy.
«Adai-Ata» tarihi mazarlar keshenine kólik joly tóseldi.
Shyǵys Qazaqstan oblysyndy ońaltý ortalyǵynyń, Óskemende «Nurly jol» demalys parkiniń, 3 sporttyq modýldiń qurylysy qamtamasyz etildi, jalpy sany 14 balabaqsha salyndy jáne qalpyna keltirildi, 2 densaýlyq saqtaý mekemesi qajetti kerek-jaraqpen jabdyqtaldy. «Meniń mektebim» jobasy aiasynda metsenattar Nazarbaev ziiatkerlik mektebi standarty boiynsha 277 tolyq jinaqty mektep jasaqtalyp jatyr.
Sonymen qatar, Semei qalasynda jalpy aýmaǵy 5 myń sharshy metrdi quraityn «№1 Vostok stadiony» salyndy. Onyń ishinde, FIFA standarty boiynsha ólshemderdi saqtai otyryp, jasandy kógaly bar fýtbol alańy, sheńber boiynsha 450 metrlik júgirý joly bar.
Jambyl oblysynda az qamtylǵan otbasylarǵa arnalǵan 9 úi, 7 sport alańy salyndy jáne paidalanýǵa berildi, aýdandyq mańyzy bar joldardyń jekelegen ýchaskelerinde jóndeý jumystary júrgizildi.
Sondai-aq, áleýmettik az qamtylǵan otbasylardyń balalary tegin jatyp oqityn Balalar internaty salyndy jáne aldaǵy ýaqytta Taraz memlekettik pedagogikalyq ýniversitetine beriletin mýzei ǵimaratynyń qurylysy júrgizilip jatyr.
Batys Qazaqstan oblysynda «Rýhani jańǵyrý» mýzeii, 13 balalar alańy, 16 sport nysany, aýyl klýby, feldsherlik pýnkt, balabaqsha, Shyńǵyrlaý ózeni arqyly ótetin kópir salyndy jáne demalys saiabaǵyna qalpyna keltirý jumystary júrgizildi. Metsenattar qarajaty esebinen Aqsýat aýlynyń ortalyq jolynyń jóndeý jumystary jáne Janǵala aýdanynyń Bórik aýlynda aýyl klýby salyndy, sondai-aq, Mahambet aýlyndaǵy sport stadiony men BQO-nyń birqatar eldi mekenindegi basqa da 25 sport nysandarynyń qurylysy qamtamasyz etildi.
Qaraǵandy oblysynda «Týǵan jer» aýla klýby bar sport kesheni salyndy, 5 balabaqsha aýmaǵy abattandyryldy, 5 turǵyn úidiń aldyńǵy beti jóndelip, jas týrister stantsiiasy salyndy, jabdyqtardy aýystyrý jáne dárigerlik quramǵa qosymsha tólemderdi qarjylandyrýmen aýrýhanaǵa jóndeý jumystary júrgizildi.
Qostanai oblysynda 100-den asa bilim berý, densaýlyq saqtaý, mádeniet jáne sport mekemelerine jóndeý júrgizildi, 61 ádeýmettik nysannyń materialdyq-tehnikalyq bazasy jaqsartyldy, 18 balalar jáne sport alańdary quryldy, ólketaný mýzeii ashyldy. Oblystyń 8 aýdanyndaǵy mektepterde tsifrlyq tehnologiialar kabineti ashyldy.
Qyzylorda oblysynda dárigerlik pýnkt, jylyjai kesheni, Qyzylorda oblysynda zamanaýi rýhani jańarý ortalyǵy, «Analar alleiasy», «Ardagerler alleiasy», «Taǵzym» alańy salyndy. «Mektebime taǵzym» aktsiiasy aiasynda oblystaǵy 60 mektepte 44 mln teńgege sport alańdary salynyp, kabinetter jasaqtaldy.
Mańǵystaý oblysynda Jańaózen qalasynda gemodialezdi ortalyq, 500 orynǵa arnalǵan az qamtylǵan otbasylarǵa arnalǵan jataqhana, sondai-aq, demalys parki jáne basqa da sport nysandary ashyldy.
Pavlodar oblysynda stýdentter jataqhanasy, balabaqsha salynyp, 17 aýyl klýbyna jóndeý jumystary júrgizildi, iri mýltimediialyq-mýzeii kesheni, 1200 orynǵa arnalǵan kontsert holl, jeńil atletikalyq jáne fýtbol maneji, muz arenasy, 50 metrlik júzý basseini jáne olimpiadalyq rezervti daiyndaý ortalyǵynyń qurylysy júrgizilip jatyr.
Soltústik Qazaqstan oblysynda birqatar nysandardyń qurylysy men jańǵyrtýy qamtamasyz etildi: bilim berý salasynda 30 joba, mádeniet salasynda 12 joba, áleýmettik kómek salasynda 5 joba, sport salasynda 9 joba, densaýlyq saqtaý salasynda 4 joba.
Ońtústik Qazaqstan oblysynda Shymkent qalasynda rýhani damý ortalyǵy ashylyp, Kentaý qalasynda jáne Qazyǵurt aýdanynda balabaqsha qurylysy júrgizilýde, Halyqaralyq tennis ortalyǵy, boks zaly ashyldy. «Ajarly úi – yrysty», «Tabiǵat – tirshilik nári» jobalary iske qosylyp, aýdandar men qalalarda ótkizilgen «Tal kúni» aktsiiasy aiasynda 12 myń adamnyń qatysýymen 47,5 myń kóshet jáne túrli aǵash otyrǵyzyldy.
Almaty qalasynda emhana, mektep-gimnaziia, 4 balabaqsha, jeńil atletika stadiony, balalarǵa arnalǵan sport jáne velosiped alańdary ashyldy, 4+ kóppáterli turǵyn úidiń aldyńǵy aýmaǵyna jóndeý júrgizildi, 3 saiabaq jańǵyrtylyp, Boraldai saq qorǵany parkiniń aýmaǵynda saq dáýiriniń qalpyna keltirilgen ǵimaraty ashyldy, 2 mektep salynyp, paidalanýǵa berildi.
Astana qalasynda zamanaýi ekomeshit salyndy, «Astana triatlon parki», «Nural» sport mektebi jáne mekteptegi jabyq fýtbol alyńynyń qurylysy júrgizildi.
