Almaty oblysynda ákesiniń tarapynan zorlyq-zombylyqqa ushyraǵany aitylǵan apaly-sińili politsiianyń qorǵaýyna alyndy, - dep habarlaidy "Ult aqparat" IIM baspasóz qyzmetine silteme jasap.
28 mamyrda 2001 jylǵy Ts. men 2003 jylǵy Ts. esimdi azamattardyń ótinishteri boiynsha Eńbekshiqazaq aýdany PB SDTBT-ǵa QR QK-nyń 121-baby 4-bóligi boiynsha eki qylmystyq is tirkelgen ("Seksýaldyq sipattaǵy zorlyq-zombylyq áreketteri").
"Júrgizilgen tergeý áreketteri men jedel-izdestirý is-sharalarymen jábirlenýshilerdiń ákesi 57 jastaǵy kúdikti Ts. esimdi er adam anyqtaldy.
Qazirgi ýaqytta qylmystyq quqyq buzýshylyq figýrantymen asa aýyr qylmystardyń mán-jaiy jan-jaqty, tolyq jáne obektiv zertteýge baǵyttalǵan barlyq qajetti tergeý áreketi júrgizilip jatyr. Tiisti saraptamalyq zertteýler taǵaiyndaldy", - delingen habarlamada.
Jábirlenýshi qyzdar sotqa deiingi tergeý júrgizý kezinde politseilerdiń qorǵaýyna alyndy.
Al kúdikti QR QIJK 128-baby tártibimen ustalyp, ýaqytsha ustaý oqshaýlaǵyshyna qamaqqa alynǵan.
Tergeý barysy oblys politsiia departamenti bastyǵynyń baqylaýynda.
