«AQSh barlaý qyzmeti men Resei arnaiy qyzmeti ókilderiniń kelissózinde eshqandai jónsiz nárse bolǵan joq» dep málimdedi AQSh Ortalyq barlaý basqarmasynyń (TsRÝ) direktory Maik Pompeo. Onyń sózinshe, kezdesýde «birqatar kúrdeli másele» talqylanǵan.
Osy aptada Reseidiń negizgi úsh barlaý vedomstvosynyń basshylary Vashingtonǵa barǵan. Resei Syrtqy barlaý qyzmetiniń direktory Sergei Naryshkin munda TsRÝ basshysy Maik Pompeomen kezdesken. Bul aqparatty eki tarap ta rastady. Arnaiy qyzmet basshylary Vashintonǵa Aq úi «Kreml esebi» dep atalatyn qujatyn jariialaǵannan birneshe kún buryn saparlaǵan. Naryshkinniń ózine 2014 jyldan beri sanktsiia salynǵan.
TsRÝ basshylary reseilik áriptesterimen keibir máseleler boiynsha turaqty kezdesip turady.
Biraq AQSh barlaýynyń burynǵy birneshe ofitseri kezdesýdi synaǵan. AQSh-ta Kremldiń 2016 jyly ótken prezident sailaýyna kiligý yqtimaldyǵy tekserilip jatqan tusta Resei arnaiy qyzmeti basshylarynyń Vashingtonǵa barǵanyna biraz syn aitylǵan.
