«اقش بارلاۋ قىزمەتٸ مەن رەسەي ارنايى قىزمەتٸ ٶكٸلدەرٸنٸڭ كەلٸسسٶزٸندە ەشقانداي جٶنسٸز نەرسە بولعان جوق» دەپ مەلٸمدەدٸ اقش ورتالىق بارلاۋ باسقارماسىنىڭ (تسرۋ) ديرەكتورى مايك پومپەو. ونىڭ سٶزٸنشە, كەزدەسۋدە «بٸرقاتار كٷردەلٸ مەسەلە» تالقىلانعان.
وسى اپتادا رەسەيدٸڭ نەگٸزگٸ ٷش بارلاۋ ۆەدومستۆوسىنىڭ باسشىلارى ۆاشينگتونعا بارعان. رەسەي سىرتقى بارلاۋ قىزمەتٸنٸڭ ديرەكتورى سەرگەي نارىشكين مۇندا تسرۋ باسشىسى مايك پومپەومەن كەزدەسكەن. بۇل اقپاراتتى ەكٸ تاراپ تا راستادى. ارنايى قىزمەت باسشىلارى ۆاشينتونعا اق ٷي «كرەمل ەسەبٸ» دەپ اتالاتىن قۇجاتىن جارييالاعاننان بٸرنەشە كٷن بۇرىن ساپارلاعان. نارىشكيننٸڭ ٶزٸنە 2014 جىلدان بەرٸ سانكتسييا سالىنعان.
تسرۋ باسشىلارى رەسەيلٸك ەرٸپتەستەرٸمەن كەيبٸر مەسەلەلەر بويىنشا تۇراقتى كەزدەسٸپ تۇرادى.
بٸراق اقش بارلاۋىنىڭ بۇرىنعى بٸرنەشە وفيتسەرٸ كەزدەسۋدٸ سىناعان. اقش-تا كرەملدٸڭ 2016 جىلى ٶتكەن پرەزيدەنت سايلاۋىنا كيلٸگۋ ىقتيمالدىعى تەكسەرٸلٸپ جاتقان تۇستا رەسەي ارنايى قىزمەتٸ باسشىلارىنىڭ ۆاشينگتونعا بارعانىنا بٸراز سىن ايتىلعان.
