Otandyq Youtube arnaǵa suhbat bergen Densaýlyq saqtaý ministri Aleksei Tsoi eldegi meditsinanyń sapasyna «4» degen qoidy, dep habarlaidy "Ult aqparat".
«Bul - óte kúrdeli másele. Densaýlyq saqtaý salasynyń jumysyn, onyń eseigenin baǵalaý kezinde jaǵymdy da, jaǵymsyz da derekterdi kóptep keltirýge bolady. Jalpy baǵalaityn bolsaq, densaýlyq saqtaý júiesi Qazaqstanda qalyptasyp boldy. Óziniń artyqshylyǵy da bar. Qazir qyzmetterdiń bári birdei sapada kórsetilýi úshin jumys istep jatyrmyz», - dedi vedomstvo basshysy.
Onyń sózine aitýynsha, Qazaqstannyń meditsinasy áli de bolsa damý kezeńin bastap keship jatyr.
«Isteitin jumys kóp. Halyqaralyq bailanystar da jaqsy jolǵa qoiylǵan. Densaýlyq saqtaý ministrliginiń mindeti qandai baǵa berilse de, ony jetildire túsý, jańa ádisterdi, emdeýdiń jańa standarttaryn engizýimiz kerek. Eń bastysy sol jańashyldyqtar ár azamatqa jetýi tiis. 5 baldyq shkalamen eseptesek, nobailap aitqanda, 4 degen baǵa berýge bolatyn shyǵar», - degen ministr meditsina mamandarynyń biliktiligi týraly da óz oiyn aitty.
«Meniń oiymsha, munda da sol tórt baldyń ainalasynda baǵa qoiýǵa bolady. Kórip otyrsyzdar, dárigerler qatelikke boi aldyryp, quzyrettilik kórsete almai jatady. Oǵan azamattar shaǵymdanady. Biraq ekinshi jaǵynan qarasaq, jarqyn tustar da joq emes. Azamattarymyz shetelge shyqpai-aq óz elinde emdele alady. Jer-jerde teńgerimsizdik bar shyǵar. Biraq tutastai alǵanda júie qabiletti deýge bolady», - dedi Aleksei Tsoi.
