QR Densaýlyq saqtaý ministri Aleksei Tsoi vaktsinalaýdyń mańyzy týraly aityp berdi, dep habarlaidy QazAqparat.
«65 jastan asqan adamdardy vaktsinatsiialaýǵa qatysty kóptegen suraq kelýde. Ministrlik sozylmaly aýrý, allergiialyq reaktsiia, basqa da qarsy kórsetilimderdi eskere otyryp, osy sanatty vaktsinatsiialaý josparyna engizý máselesin qarastyrady»,- dedi ministr QR Prezidenti janyndaǵy Ortalyq kommýnikatsiialar qyzmetinde ótken brifingte.
Ministr vaktsinalaýdyń 400 jyldan astam ýaqyt boiy adamzattardy sheshek, oba siiaqty qaýipti, ólimge ákeletin aýrýlardan qorǵap kelgenin aitty.
Sońǵy 30 jylda epidemiialyq parotitpen syrqattanýshylyqtyń 870 eseden artyq tómendegeni, halyq arasynda «V» virýstyq gepatitimen syrqattanýdyń 150 esege, kókjótelmen syrqattanýdyń 7,3 esege tómendegeni baiqaldy.
Qazirgi ýaqytta poliomielit, difteriia, sirespe, qyzamyq siiaqty infektsiialar umytylǵan.
«Sondai-aq, halyq arasynda «koronavirýs infektsiiasymen aýyryp shyqqan durys» degen pikir bar, biraq onyń immýndyq júiege jáne sozylmaly aýrýlardyń órshýine áser etetin, «kovidtan keiingi» asqynýlar bolatynyn, ókpe, baýyr, júrek siiaqty ómirlik mańyzdy aǵzalardyń fýnktsiiasy buzylatynyn eske salǵym keledi. Qalpyna kelý protsesi óte qiyn. Kóp jyldyq tájiribe kórsetkendei, vaktsinatsiia – álemde aýrýlardyń taralýynyń aldyn alýdyń barynsha tiimdi quraldarynyń biri», - dedi Tsoi.
