Búgin QR Prezidenti Qasym-Jomart Toqaevtyń tóraǵalyǵymen koronavirýs infektsiiasyna qarsy is-qimyl sharalary boiynsha keńes ótti. Densaýlyq saqtaý ministri Aleksei Tsoi eldegi sanitarlyq-epidemiologiialyq jaǵdaidy jáne vaktsinatsiia týraly baiandady, sondai-aq Qazaqstandaǵy pandemiiaǵa qatysty úsh boljam aitty, dep habarlaidy "Ult aqparat" DSM baspasóz qyzmetine silteme jasap.
Álemde Covid-19 aýrýy men ólim-jitim boiynsha jaǵdai shielenise túsýde. Búginde álemniń 221 elinde 129 mln astam KVI jaǵdaiy tirkelgen, aýrýshańdyqtyń ósýi – 0,5. 2,8 mln astam adam qaitys boldy, ólim kórsetkishi 2,2% qurady. 2021 jyldyń qańtarynda syrqattanýshylyqtyń jalpy álemdik statistikasy azdap tómendegennen keiin, aqpan aiynan bastap turaqty ósý úrdisi baiqaldy.
«Jalpy respýblika boiynsha biyl naýryz-sáýir ailarynda aýrýdyń naqty boljamy týra keldi. Sońǵy 10 kúnde respýblikada KVI juqtyrǵan 15 156 adam tirkeldi, naýryzdyń basymen salystyrǵanda syrqattanýshylyq deńgeii 2,0 ese ósti, ásirese, Almaty, Nur-Sultan qalalarynda, Almaty, Aqtóbe, Atyraý, Qaraǵandy, Batys Qazaqstan oblysynda naýqas sany kóp» , - dedi Tsoi.
1 sáýirdegi jaǵdai boiynsha KIV juqtyrǵan naýqastarǵa meditsinalyq kómek kórsetý úshin respýblikada 25 893 tósek-oryn bar, 258 infektsiialyq statsionar tartylǵan. Onyń 33% patsient jatyr. Reanimatsiialyq tósek-oryn sany - 2394, jalpy orynnyń 20%.
«Naýryzda da ólim-jitimniń ósýi baiqalady, KVI-den 288 naýqas qaitys boldy, onyń ishinde sońǵy 2 aptada ólim-jitim 2,7 ese ósti. Naýryz aiyndaǵy ólim-jitimniń 74% 4 óńirde - Almaty qalasy, Nur-Sultan qalasy, Batys Qazaqstan jáne Qaraǵandy oblystarynda bolǵan», - dep habarlady ministr.
Óńirlerde infektsiialyq oryn rezervi 51 myń tósekti quraidy, jumys istep turǵan infektsiialyq statsionarlardyń júktemesi 70% jetken kezde rezervtik obektiler tartylatyn bolady, bul rette josparly mamandandyrylǵan meditsinalyq kómek kórsetý jalǵasady.
Ministrlik óńirdegi árbir meditsinalyq uiymdaǵy tósek qorynyń paidalanylýyn monitoring júrgizýdiń elektrondyq júiesin ázirledi, bul qosymsha statsionarlardyń ýaqtyly áreket etýine múmkindik beredi.
Sonymen qatar, KVI-ge testileý zerthanalarynyń qýatyn arttyrý boiynsha jumys jalǵasýda.
Búginde KVI testileýdi 154 zerthana júzege asyrady, testileýdiń jalpy qýaty táýligine 112 myń testti quraidy. Barlyq zerthanalar, sonyń ishinde jeke zerthanalar biriktirildi, bul Covid-19 úshin PTR testileý nátijeleriniń biryńǵai derekqoryn qalyptastyrýǵa múmkindik berdi. A.Tsoi virýstyń taralý jyldamdyǵy virýs genomyndaǵy ózgeristermen bailanysty ekenin aitty.
Jańa mýtatsiialardy anyqtaý maqsatynda biz turaqty negizde respýblika aýmaǵyndaǵy KVI shtammdaryna genetikalyq zertteý júrgizemiz. Naýryzda 265 genotip zertteldi, onyń 12 úlgisinde britandyqtarǵa tiesili virýs anyqtaldy, onyń 8-i importtalǵan. Bul shtammnyń ainalymy Almaty, Nur-Sultan qalalarynda jáne Aqtóbe oblysynda anyqtaldy. Sondai-aq, Almaty qalasynda «Ońtústik Afrika» shtammynyń ainalymy belgilengen. Sonymen qatar, naýryz aiynan bastap búkil álemde úsh shtammnyń yqtimal mýtatsiiasyn anyqtaýdyń ekspress ádisi júrgizilýde.
357 úlgi zertteldi, onyń ishinde 13 óńirdiń 87 synamasynda «Britandyq» jáne «Ońtústik afrikalyq» shtammdarǵa tán yqtimal mýtatsiia anyqtaldy.
«Qasym-Jomart Kemeluly, Sizdiń tapsyrmańyzǵa sáikes, 2021 jylǵy 1 aqpannan bastap KVI-ge qarsy vaktsinatsiialaý bastaldy. Vaktsinatsiia aldymen KVI-men kúresip júrgen mamandarǵa salyndy. Bul taktika álemniń kóptegen elderinde qoldanylady. 2 ai ótken soń, KVI-ge qarsy vaktsinatsiia óziniń tiimdiligi men qaýipsizdigin kórsetti, sondai-aq halyq arasynda senimdi arttyrdy. 1 sáýirdegi jaǵdai boiynsha 300 myń azamatqa vaktsinatsiianyń qoljetimdiligi qamtamasyz etildi. Sáýir aiynyń ishinde reseilik vaktsinanyń qosymsha 2 mln. astam dozasynan jetkizý josparlanýda. Birinshi jartyjyldyqtyń sońyna deiin 6 millionǵa jýyq qazaqstandyqty vaktsinatsiialaý josparlanǵan», - dedi Densaýlyq saqtaý ministri.
Vaktsinanyń bul kólemi KVI-ge qarsy vaktsinatsiialaýǵa jatatyn kontingentti jáne óteýsiz negizde barlyq niet bildirýshilerge vaktsinatsiianyń qoljetimdiligin barynsha keńeitýge múmkindik beredi. Ministr sondai-aq, Qazaqstanda aýqymdy vaktsinatsiia júrgizý tájiribesi bar ekenin atap ótti. Buǵan deiin elde bir aida 2 millionnan astam azamat tumaýǵa qarsy vaktsinatsiialandy.
El aýmaǵynda anyqtalǵan mýtatsiialanǵan shtammdardy eskere otyryp, biz epidemiologiialyq jaǵdaidyń boljamyn jańarttyq. Osylaisha, pessimistik stsenarii boiynsha 2021 jyldyń sáýir-maýsymynda tirkelgen jaǵdailardyń sany shamamen 370 myń adamdy quraidy, aýrýhanaǵa jatqyzý 190 myń adamdy qajet etedi.
Ekinshi realistik stsenarii boiynsha 2021 jyldyń sáýir-maýsymynda tirkelgen jaǵdailardyń boljamdy sany shamamen 250 myń adamdy quraidy, aýrýhanaǵa jatqyzýǵa 127 myń adam qajet bolady.
Optimistik stsenarii boiynsha 2021 jyldyń sáýir-maýsymynda tirkelgen jaǵdailardyń sany shamamen 140 myń adamdy quraidy, aýrýhanaǵa jatqyzýǵa 71 myń adam qajet bolady.
«Ministrlik eldegi jáne álemdegi epidemiologiialyq ahýalǵa turaqty monitoring júrgizedi, sonyń negizinde meditsinalyq uiymdardyń koronavirýs infektsiiasymen syrqattanýshylyqtyń ósýine daiyndyǵyn arttyrý boiynsha sharalar qabyldanady. Densaýlyq saqtaý júiesi epidemiianyń stsenariii boiynsha júktemeni jeńe alady. Osyǵan bailanysty shekteý sharalary jergilikti jáne eldik deńgeide de, óńirlik deńgeide de saralanǵan túrde qabyldanady», - dedi Ministr.
Onyń pikirinshe, vaktsinatsiia qarqynyn arttyrý shekteý sharalaryn azaitýǵa jáne pandemiiaǵa deiingi kezeńdegi qoǵamǵa oralýǵa múmkindik beredi.
