Senattyń jalpy otyrysynda Densaýlyq saqtaý ministri Aleksei Tsoi koronavirýstyń Úndistanda taralǵan shtamynan qorǵaný is-sharalary týraly aitty, dep habarlaidy "Ult aqparat".
«Úndistanda taralǵan shtamǵa toqtalsaq, bul elmen arada qazir tikelei áýe reisteri joq. Sonymen qatar bas sanitar dárigerdiń tiisti qaýlysy bar, iaǵni Úndistannan saparlap kelgender oqshaýlanýy kerek jáne 14 táýlik boiy meditsinalyq baqylaýda bolýy tiis», - dedi ministr.
Onyń aitýynsha, PTsR-test teris nátije kórsetse de osyndai qaýipsiz sharalary eskeriledi.
«Sonymen qatar, koronavirýstyń barlyq shtamdary PTR-test kezinde anyqtalady. Munymen qosa, ai saiyn el aýmaǵynda tiisti ólshemderdi júrgizip kelemiz. Qazirgi kezde Qazaqstanda úndistandyq shtamm anyqtalmaǵan, degenmen biz tiisti ólshemderdi júrgizýdi jalǵastyramyz», - dedi A. Tsoi.
