Densaýlyq saqtaý ministri Aleksei Tsoi Qazaqstanda koronavirýs infetsiiasynyń qaita órshýine halyqtyń mereke kúnderi saqtyq sharalaryn elemeýi sebep bolǵanyn málimdedi, dep habarlaidy QazAqparat.
«Jalpy respýblikada ótken jyldyń qarasha aiynan bastap koronavirýs infektsiiasyn juqtyrǵan azamattardyń kóbeigeni baiqalady. Qazan aiymen salystyrǵanda qarashada juqtyrý deńgeii 4,5 ese, qarasha aiymen salystyrǵanda jeltoqsanda 1,2 ese ósken. Juqtyrý deńgeiiniń artý tendentsiiasy qańtar aiynda da saqtalýda. Buǵan jeltoqsan jáne qańtar ailaryndaǵy merekeler kezinde halyqtyń aldyn alý sharalaryn saqtamaýy sebep bolyp otyr», - dedi Aleksei Tsoi Úkimet otyrysynda.
Ministr keltirgen málimetke sáikes, qańtar aiyndaǵy 19 kúnniń ishinde koronavirýs infektsiiasyn 14 625 adam juqtyrǵan.
«Juqtyrý deńgeiiniń artýy Shyǵys Qazaqstannan basqa barlyq aimaqta baiqalýda. Osy jyldyń 19 qańtaryndaǵy jaǵdai boiynsha infektsiialyq jáne jan saqtaý tósek oryndarynyń tolymdylyǵy 23 jáne 32 paiyzdy qurap otyr. Monitoring málimetteri boiynsha, tósek oryndary qorynyń tolymdylyǵy qadaǵalanatyn deńgeide», - dedi ol.
