Densaýlyq saqtaý ministri Aleksei Tsoi adam aǵzasyndaǵy antideneniń joiylýyna bailanysty elimizde koronavirýstan buryn jazylyp shyqqandar qaita syrqattanýy múmkin ekenin eskertti, dep habarlaidy "Ult aqparat".
«Ǵalymdardyń ártúrli pikirine súiensek, koronavirýsty jeńil kótergen azamattardyń aǵzasynda antidene 1 ai ýaqytqa, al orta nemese aýyr kótergenderdiń aǵzasynda 3-5 aiǵa deiin saqtalady. Bizdiń elde koronavirýs juqtyrýdyń sharyqtaý shegi osy jyldyń maýsym-shilde ailaryna kelgeni belgili. Eger biz taldaý jasap kórsek, atalǵan ýaqyttan 3-5 aidan keiin, iaǵni qarasha-jeltoqsan ailarynda koronavirýsty orta nemese aýyr jaǵdaida kótergenderdiń aǵzasynda antideneler quryp bara jatyr. Sol sebepti olardyń qaitadan aýrýǵa shaldyǵý yqtimaldyǵy, qaýpi bar», - dedi Aleksei Tsoi OKQ alańynda ótken baspasóz máslihatynda.
Densaýlyq saqtaý ministri álemde koronavirýsty qaita juqtyrý jaǵdaiy tirkelgenimen, Qazaqstanda mundai adamnyń áli kezdespegenin málim etti.
