Bul týraly ol jýrnalist Nartai Aralbaiulynyń YouTube-kanalyna bergen suhbatynda aitty.
"Siz ministr bolyp taǵaiyndalǵanda, jyly lebiz bildirip, Eljan Birtanovqa densaýlyq tiledińiz. Qazir ol qylmystyq iske qatysy bar dep aiyptalyp otyr. Qazirgi qarym-qatynastaryńyz qandai?" - dep surady tilshi.
"Biz qalai da bolsyn áriptespiz ǵoi. Birneshe jyl birge etene jumys istedik. Sosyn ol ministrlikti basqaryp turǵanda, men vitse-ministr boldym. Árine, men ony jaqsy tanimyn. Qylmystyq iske deiin biz aralastyq. Al qazir árkim óz baǵytymen ketkendikten, aralasyp júrgen joqpyz. Jalpy aramyzda qandai da bir túsinispeýshilikter joq. Áriptes siiaqtymyz", - dedi Tsoi.
Eske salsaq, burynǵy densaýlyq saqtaý ministri Eljan Birtanov 2020 jyldyń 3 qarashasynan beri beri úiqamaqta otyr. Oǵan asa iri mólsherde biýdjet qarajatyn ysyrap etti degen aiyp taǵyldy.
Birtanov densaýlyq saqtaý ministrligin 2017 jyldan 2020 jylǵa deiin basqardy.
Jýyrda sot eks-ministrge otbasyn asyraý úshin jumys isteýge múmkindik berdi. Atap aitqanda, Birtanovqa saǵat 8:00-den 19:00-ge deiin syrtqa shyǵýǵa ruqsat etildi.
Sýdia Birtanovtyń asyraýynda bes balasy (onyń úsheýi kishkentai) jáne qart anasy bar ekenin eskergen.
