QR Ulttyq bankiniń tóraǵasy Ǵalymjan Pirmatov elimizde tsifrlyq teńgeni engizýge qatysty sheshim jyl sońyna deiin qabyldanatynyn aitty, dep habarlaidy QazAqparat.
«Tsifrlyq teńgeni engizýde aýqymdy sharýany qolǵa aldyq. Osy maqsatta halyqaralyq valiýta qory jáne damyǵan elderdiń ortalyq bankterimen tyǵyz áriptestikte jumys istep jatyrmyz. Taiaýda ǵana bizdiń komanda Vashingtonǵa baryp, halyqaralyq valiýta qory ókilderimen kezdesip ótkizip, atqarylǵan jumys pen josparymyzdy tanystyrdyq», - dedi Ǵalymjan Pirmatov Ulttyq bankte ótken baspasóz máslihatynda.
Onyń aitýynsha, tsifrlyq teńgege qatysty sheshilýi tiis tehnikalyq tustary bar.
«Biyl 1 shildege deiin tsifrlyq teńgeni engizýdiń metodikasy bekitemiz. Al jyl sońyna deiin naqty engizý týraly sheshim qabyldaityn bolamyz. Atalǵan sheshimdi qabyldaýda tehnikalyq oryndaý ýaqytty talap etedi. Degenmen jyl aiaǵyna deiin sheshimin tabady. Bul baǵyttaǵy jumys jalǵasyp jatyr», - deidi ol.
