Rekrýtingtik kompaniialardan bastap óndiriske deiingi barlyq salalar tsifrlyq revoliýtsiiadan shet qalmady. Osy rette, biznes maitalmandary bul kúrdeli ózgeris jaily óz oilaryn ortaǵa saldy.
«Reed» rekrýtingtik kompaniiasynyń tóraǵasy Djeims Rid bala kezde anasymen birge bankte ish pystyrar kezekte jii turatynyn eske alady. Al, bankomattardyń paida bolýy jaǵdaidy kúrt ózgertti. Endi uzyn-sonar kezekte turmai-aq, kez kelgen ýaqytta aqsha alýǵa bolady.
«Tez ári tiimdi jumys jasaýdyń ózindik tásili baryn bildim. Qalaǵan jerde jáne yńǵaily ýaqytta jumys isteýdi qalaǵan adamdar úshin internettiń minsiz qural ekenin jaqsy túsindim. Osylaisha, Reed.co.uk saity paida boldy», - deidi Djeims Rid.
Reed.co.uk 1995 jyly Ulybritaniiadaǵy alǵashqy rekrýtingtik veb-sait boldy. Sóitip, bul onlain portal eki jyl ishinde óz salasynda jetekshi orynǵa shyqty. Bastapqyda bul sait ózderine qajetti mamandardy tabý maqsatynda qurylǵan bolatyn. Al 2007 jyly derbes bizneske ainaldy.
«Reed» kompaniiasy 1960 jyly quryldy. Onyń negizin qalaýshy – Aleks Rid.
Aleks Rid 26 jasynda qolynda bar nebári 75 fýnt sterlingpen týǵan qalasy Haýnsloýda alǵashqy keńsesin ashqan. Onlain tehnologiialar «Reed» sekildi dástúrli iri kompaniialardyń jumys ádisin basqa arnaǵa burdy.
«Onlain tehnologiialardyń arqasynda biz burynǵydan da kóp adamǵa qyzmet kórsete alatyn boldyq. Sondai-aq, maman tańdaý protsesi de jedeldei tústi. Nátijesinde klientterimizge usynatyn úmitkerlerdiń sany artty. Jáne muny burynǵydan áldeqaida tez isteitin boldyq»,- deidi Djeims Rid.
IT salasy jetekshileri men mamandaryn baǵalap, dáreje beretin «AXELOS» kompaniiasynyń atqarýshy direktory Mark Basham tsifrlyq tehnologiialar sońǵy jyldary biznes úrdisteri men kásip júrgizý tásilderin qalai ózgertip jatqanyn tilge tiek etedi.
«Bultty qyzmetter sekildi tehnologiialardyń damýy jáne SaaS baǵdarlamalyq jasaqtamasynyń HaaS qyzmetine ainalýy bizneske úlken áser etti. Al uialy telefondarǵa arnalǵan qosymshalar kompaniialar men tutynýshylar arasyndaǵy qarym-qatynasty ózgertip, qyzmet kórsetý jyldamdyǵyn jańa deńgeige kóterdi. Nátijesinde kóptegen kompaniiada aitarlyqtai ózgerister boldy», - deidi Mark Basham.
Al, Djeims Rid: «Biznesti tiimdi júrgizý úshin jańa tehnologiialardan qalys qalmaý kerek. Máselen, bizdiń derekter jónindegi mamandarymyz mashinamen oqytý tásilin qoldanady. Sol kezde jumys izdeý nátijeleriniń dáldigi artady. Sondai-aq biz túiindemeni suryptaý kezinde jasandy intellektti qoldaný baǵytynda da jumys istep jatyrmyz. Bul árbir túiindemeni júieli túrde baǵalaýǵa múmkindik beredi», - dep atap ótti.
Jańa tehnologiialar ónerkásiptiń kez kelgen túrine ózgeris ákeledi. Sonyń bir mysaly – «Formica Group Europe» kompaniiasynyń tarihy. Onyń óndiristik salada jumys istep kele jatqanyna 100 jyldan asty. Kompaniia sol ýaqyt ishinde túrli tehnologiialyq ózgerister engizdi. Al, byltyr quny 40 million fýnt sterling bolatyn investitsiialyq jobasyn tanystyrdy. Ol joba jańa tehnologiialardy qoldana otyryp, Ulybritaniiada laminat jasap shyǵaratyn zamanaýi zaýyt qurýdy kózdeidi.
«Investitsiialarymyzdyń basym bóligi ónim shyǵarý jelisin avtomattandyrýǵa, taýarlardyń jańa túrlerin shyǵarýǵa baǵyttalǵan innovatsiialar engizýge ketti. Bizdiń óndiristik kompaniia ekenimiz kópke málim. Sondai-aq biz ózimizdi innovatsiialyq kompaniialardyń da qataryna jatqyzamyz. Óitkeni biz jańa ónimderge nanotehnologiialardyń kómegimen zertteýler júrgizýge aýqymdy qarajat bóldik», - deidi kompaniianyń bas direktory Piter Rash.
Jańa tehnologiialar damyǵan saiyn zamanaýi óndiris te qarqyn ala túsedi. Nátijesinde osy óndiriste eńbek etetin qyzmetkerlerdiń biliktiligi de artatyny aidan anyq. Muny «Formica Group Europe» kompaniiasynyń qyzmetkerleri de rastap otyr.
«Kompaniiada atqarylatyn jumystardyń kóbisi tehnologiialar men derekterge negizdelip otyr, sondai-aq tsifrlandyrý aýqymy keńeiip júrgendikten, qyzmetkerlerimizdi oqytyp, tehnikalyq mamandardy jaldap jatyrmyz», - deidi Piter Rash.
Kóbisi tutyný taýarlaryn saqtaý júiesin joǵary tehnologiialyq salalar qataryna qospaidy. Alaida logistika jáne zattar saqtaýǵa qoima berýmen ainalysatyn «Lovespace» kompaniiasy básekege qabilettiligin arttyrý úshin tehnologiialyq innovatsiialardyń mańyzyn túsinip, tutynýshylardyń ózge de talaptaryn qanaǵattandyratyn jańa platforma jasap shyǵardy.
Kompaniianyń tehnologiialar boiynsha direktory Deiv Ýolker: «Bul platformanyń arqasynda ár zattyń oryn aýysýyn qadaǵalap otyrýǵa bolady. Iaǵni, klienttiń úiinen qoimaǵa qalai jetkizilgenin, qoimada saqtalýyn jáne klientke qalai keri qaitarylǵanyn baqylaidy. Logistikalyq kompaniialardyń kóbi mundai tehnologiiany endi ǵana engize bastady», - deidi.
Qazir «Lovespace» kompaniiasy zattar internetine qosylǵan jáne GPS arqyly qadaǵalanatyn aqyldy qoraptardy qoldaný jaiynda keńesip jatyr. Tsifrlyq transformatsiia ónerkásiptiń barlyq salasynda keńinen qoldanylyp, jyldam qanat jaiyp keledi. Osy rette Mark Basham tabysqa jetý joldaryn tek IT mamandarǵa tapsyryp qoimai, osy úrdisti kompaniia jetekshileri basqarýy tiis dep esepteidi.
