Almaty ákimi jumys sapary kezinde M.Áýezov aýdanynda júzege asqan áleýmettik jobalar men sport nysandarynyń qurylys barysymen tanysty, dep habarlaidy "Ult aqparat"
Qala ákimi Instagram paraqshasynda turǵyndardyń áleýmettik, bilim jáne sport nysandarynyń qoljetimdi bolýy alańdatatynyn aitty.
«M.Áýezov aýdanynyń qaraýsyz jatqan skverler men kósheler boiyndaǵy ýchaskelerinde biyl 10 sport alańy salynsa, taǵy 50-i aýlalardy jóndeý kezinde boi kóterdi. Balalarynyń sportpen shuǵyldanatynyna máz bolǵan turǵyndar budan bylai balalar úshin alańsyz ekendikterin aityp jatyr. Túrli jekpe-jek pen sporttyń oiyn túrlerinen tegin sektsiialar ashylyp, jumys istep jatyr», — dep jazdy B. Saǵyntaev.
Ákim elab.asia bilim ortalyǵynda 115 kýrsta tsifrlyq saýattylyq boiynsha sabaq ótetinin, onyń ishinde kiberqaýipsizdik, baǵdarlamalaý men robottehnikasy da bar ekenin aitty.
«Qalaǵa qajet birlesken oqý jobalaryn júzege asyrý múmkindigin qarastyramyz. Aýdannyń jastar resýrstyq ortalyǵynda keńester berilip, volonterlik jumystar uiymdastyrylady», - dedi qala ákimi.
Qarqyn.ala qaiyrymdylyq jobasy muqtaj jandarǵa kómek kórsetýge baǵyttalǵan. «Baqytty otbasy», Isker ana baǵdarlamalary - kópbalaly analarǵa kómektesýge baǵyttalǵan áleýmettik jobalar.
«Túrli qoldaý tetikteriniń arqasynda olar ózderin qamtamasyz etip, jańa jumys oryndaryn quryp, óz isterin dóńgeletip otyr», - dedi megapolis ákimi.
Eske salsaq, Almaty qalasynyń ákimi Baqytjan Saǵyntaev abattandyrý, áleýmettik jáne injenerlik infraqurylymdy salý jónindegi máselelerdiń sheshilý barysyn tekserý maqsatynda aýdandarǵa jumys saparymen shyǵyp júr. Buryn halyqpen esep berý jáne jumys kezdesýlerinde osy máseleler aitylǵan bolatyn.
Buǵan deiin ol Alataý, Medeý aýdandarynda boldy. Jobalar «Jańa Almaty» keshendi jospary aiasynda «Shetsiz qala» qaǵidatyna sáikes «Jumyspen qamtýdyń jol kartasy», «Biýdjetke qatysý» baǵdarlamalary boiynsha júzege asyrylyp jatyr.
