El turǵyndarynyń innovatsiialyq jáne tsifrlyq tehnologiialardy qoldaný deńgeii 77 paiyzdan 80 paiyzǵa ósti.
Otandyq sarapshylardyń zertteýinshe, qazaqstandyqtardyń tsifrlyq saýattylyǵy men jańa tehnologiialardy paidalaný deńgeii artyp keledi.
2018 jyly Qazaqstan halqynyń personaldy kompiýter, smartfon, planshet, noýtbýk, standartty baǵdarlama men internetti qoldaný deńgeii 79,6 paiyzdy qurady. Ótken jyly bul kórsetkish 77,1 paiyz bolǵan.
QR Ulttyq ekonomika ministrliginiń málimetinshe, el azamattarynyń tsifrlyq saýattylyq deńgeii joǵarylaýda. Máselen, Almaty qalasy 87%, Almaty oblysy 86,7%, Nur-Sultan qalasy 85,4%, Atyraý oblysy 81,2%, Shymkent qalasy 80,8%, Qostanai oblysy 80,8%, Pavlodar oblysy 79,6%, Qyzylorda oblysy 78,6%, Jambyl oblysy 78,2%, Mańǵystaý oblysy 78,1%, Aqtóbe oblysy 78%, Shyǵys Qazaqstan oblysy 77,8%, Túrkistan oblysy 76,9%, Batys Qazaqstan oblysy 76,4%, Soltústik Qazaqstan oblysy 74,8%, Qaraǵandy oblysy 70,6% jáne Aqmola oblysy 68,9% kórsetken.
Eske sala keteiik, 2018 jyldyń 1 maýsymynda «Tsifrlyq Qazaqstan» memlekettik baǵdarlamasynyń aiasynda tsifrlyq saýattylyqty arttyrý jumystary bastalǵan bolatyn. Oqytý jumystary Qazaqstannyń búkil aýmaǵynda (qala, aýdan, aýyl, kent) júrgizilip, ol úshin 2729 mekeme (mektep, kolledj, kitaphana, HQO keńseleri jáne t.b.) tartyldy. Kýrs kezinde 4 baǵyt boiynsha tsifrlyq bilim berildi: bazalyq tsifrlyq daǵdylar, elektrondyq úkimet pen memlekettik qyzmetter, ashyq úkimet, elektrondy saýda. Iaǵni, kompiýterdi qoldaný, memlekettik qyzmetti onlain formatta alý, elektrondy saýdamen jumys jasaý, óz-ózine memlekettik qyzmet kórsetý syndy tsifrlyq daǵdylardy meńgerdi. Jospar boiynsha 2022 jylǵa qarai halyqtyń tsifrlyq saýattylyq deńgeii 83 paiyzǵa jetetin bolady.
