Tsifrlyq saýatsyzdyqty joiý baǵdarlamasyn iske qosý qajet. Mundai usynysty Ulttyq qoǵamdyq senim keńesiniń 3-otyrysynda BTSDigital bilim berý jobalarynyń jetekshisi Saiasat Nurbek jasady, dep habarlaidy QazAqparat.
«Jańa áleýmettik teńsizdik bastalyp kele jatyr. Eger burynyraqta tapqan tabys, shyqqan tekke qatysty kórinis tapsa, qazir bul másele tsirflyq saýattylyqqa qatysty bolyp otyr. Mynadai tań qalarlyq tarihi fakti bar eken. Osydan 100 jyl buryn, 1919 jyly «Halyq arasynda saýatsyzdyqty joiý týraly» dekret qabyldanypty. Qazir tsifrlyq saýatsyzdyqty joiý baǵdarlamasyn iske qosý qajettigi týyndap otyr», - dedi ol.
Onyń atap ótýinshe, taiaý 10 jyldyń ishinde bilim salasynda eń úlken ózgerister bolady.
«Oǵan áser etetin kóptegen faktor bar. Bul máselege qatysty óte kóp zertteýler de jazylǵan. Bilim berý ortasyn damytý boiynsha ulttyq forsait (forsait - uzaqmerzimdi boljaý tehnologiiasy) júrgizý qajettigi pisip jetildi. Bizge taiaý 5-10 jyldyń ishinde boi túzeitin kontýrdyń qandai bolatyndyǵyn, bilim berý modeli basymdyqtaryn aiqyndap alý qajet», - dedi Saiasat Nurbek.
