تسيفرلىق ساۋاتسىزدىقتى جويۋ باعدارلاماسىن ٸسكە قوسۋ قاجەت. مۇنداي ۇسىنىستى ۇلتتىق قوعامدىق سەنٸم كەڭەسٸنٸڭ 3-وتىرىسىندا BTSDigital بٸلٸم بەرۋ جوبالارىنىڭ جەتەكشٸسٸ ساياسات نۇربەك جاسادى, دەپ حابارلايدى قازاقپارات.
«جاڭا ەلەۋمەتتٸك تەڭسٸزدٸك باستالىپ كەلە جاتىر. ەگەر بۇرىنىراقتا تاپقان تابىس, شىققان تەككە قاتىستى كٶرٸنٸس تاپسا, قازٸر بۇل مەسەلە تسيرفلىق ساۋاتتىلىققا قاتىستى بولىپ وتىر. مىناداي تاڭ قالارلىق تاريحي فاكتٸ بار ەكەن. وسىدان 100 جىل بۇرىن, 1919 جىلى «حالىق اراسىندا ساۋاتسىزدىقتى جويۋ تۋرالى» دەكرەت قابىلدانىپتى. قازٸر تسيفرلىق ساۋاتسىزدىقتى جويۋ باعدارلاماسىن ٸسكە قوسۋ قاجەتتٸگٸ تۋىنداپ وتىر», - دەدٸ ول.
ونىڭ اتاپ ٶتۋٸنشە, تاياۋ 10 جىلدىڭ ٸشٸندە بٸلٸم سالاسىندا ەڭ ٷلكەن ٶزگەرٸستەر بولادى.
«وعان ەسەر ەتەتٸن كٶپتەگەن فاكتور بار. بۇل مەسەلەگە قاتىستى ٶتە كٶپ زەرتتەۋلەر دە جازىلعان. بٸلٸم بەرۋ ورتاسىن دامىتۋ بويىنشا ۇلتتىق فورسايت (فورسايت - ۇزاقمەرزٸمدٸ بولجاۋ تەحنولوگيياسى) جٷرگٸزۋ قاجەتتٸگٸ پٸسٸپ جەتٸلدٸ. بٸزگە تاياۋ 5-10 جىلدىڭ ٸشٸندە بوي تٷزەيتٸن كونتۋردىڭ قانداي بولاتىندىعىن, بٸلٸم بەرۋ مودەلٸ باسىمدىقتارىن ايقىنداپ الۋ قاجەت», - دەدٸ ساياسات نۇربەك.
