Qazaqstannyń Tsifrlyq damý, innovatsiialar jáne aeroǵarysh ónerkásibi ministrligi Saqbol qosymshasyn jasap shyǵardy. Sol arqyly koronavirýspen aýyratyn naýqas óziniń jaqyn jerde ekenin basqa adamdarǵa habarlai alady. Osylaisha, infektsiianyń berilý, taralýy azaiady dep josparlanyp otyr, - dep habarlaidy «Ult aqparat».
Qosymsha infektsiianyń taralýyn baqylaý jáne juqtyrý oshaqtaryn der kezinde oqshaýlaý maqsatynda jasaldy, dep habarlady tsifrlyq damý, innovatsiialar jáne aeroǵarysh ónerkásibi ministrliginiń baspasóz qyzmeti.
Saqbol qosymshasyn jasap shyǵarýǵa densaýlyq saqtaý ministrligi de qatysqany da habarlandy.
#Qosymsha qalai jumys isteidi?
Saqbol qosymshasynda habarlama fýnktsiiasy bar. Sol arqyly naýqas óziniń jaqyn mańda ekenin aita alady. Sonymen qatar koronavirýs testi oń nátije kórsetken adammen keiingi 14 táýlikte eki metrden az araqashyqtyqta bolǵan adamdy tabýǵa múmkindik bar.
Aita keteiik, Saqbol qosymshasyn IOS jáne Android platformasynda júkteýge bolady. Onyń ishinde adamnyń jeke derekteri qupiia túrde saqtalady. Demek, kelesi adamǵa habarlama kelse, onyń kimnen infektsiia juqtyrýy múmkin ekeni habarlanbaidy.
Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin barlyq qazaqstandyqty osy qosymshany belsendi túrde paidalanýǵa shaqyrdy.
«Sonyń arqasynda indet oshaqtaryn barynsha oqshaýlap, koronavirýstyń taralýyna jol bermeimiz. Biz halyq aldyndaǵy jaýapkershilikti túsinemiz jáne barlyq jeke derekterdi qosymshada barynsha shifrlanǵan etip jasadyq», - dedi Mýsin.
Sonymen qatar qosymsha sol baǵdarlama ornatylǵan basqa qurylǵylarmen bailanysta bolǵan adamdardy jasyryn túrde izdeýge baǵyttalǵan.
Qosymshany paidalaný úshin eshqandai tirkeýden ótpeidi. Sondai-aq, baǵdarlamada jeke derekter, mekenjai kórsetilmeidi. Habarlandyrý fýnktsiiasy iske qosylǵan bolsa, ol avtomatty túrde habar beredi.
#Shetelden kelgender qalai baqylanady?
Qazaqstannyń tsifrlyq damý, innovatsiialar jáne aeroǵarysh ónerkásibi ministrligi shetelden elge kelýshilerdi baqylaý úshin Jańa Zertteu qosymshasyn ázirledi.
Tsifrlyq damý basshysy Baǵdat Mýsin Zertteu qosymshasynyń epidemiologiialyq tergeý júrgizýge kómektesetinin aitty.
"Búgin elge kelgen adam qaǵazdy qolmen toltyrady. Sodan keiin bul aqparat ortalyq baqylaý organyna berilýi kerek, bul organ derekqorǵa kire bastaidy. Bul ýaqytty qajet etedi jáne belgili bir problemalardy týdyrady. Muny avtomattandyrý úshin biz arnaiy mobildi qosymsha jasadyq, ony kirýshilerge telefonǵa ornatyp, tiisti saýalnamalyq derekterdi elektrondyq formatta bere alýy úshin usynatyn bolamyz", - dedi ministr.
Sonymen qatar Baǵdat Mýsin qazir densaýlyq saqtaý ministrliginiń bazasy PTR tapsyratyn zerthanalardyń avtomattandyrylǵanyn aitty.
Esterińizge sala keteiik, Qazaqstannyń Tsifrlyq damý, innovatsiialar jáne aeroǵarysh ónerkásibi ministrligi Saqbol qosymshasyn jasap shyǵardy. Sol arqyly koronavirýspen aýyratyn naýqas óziniń jaqyn jerde ekenin basqa adamdarǵa habarlai alady. Osylaisha, infektsiianyń berilý, taralýy azaiady dep josparlanyp otyr. Saqbol qosymshasyn IOS jáne Android platformasynda júkteýge bolady. Onyń ishinde adamnyń jeke derekteri qupiia túrde saqtalady. Demek, kelesi adamǵa habarlama kelse, onyń kimnen infektsiia juqtyrýy múmkin ekeni habarlanbaidy.
