QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin «Digital Almaty 2021 - Jahandyq ekonomikanyń tsifrlyq bolashaǵy» halyqaralyq forýmynyń dialog alańynda tsifrlyq tásilge jańasha kózqaras qalyptastyryp, memlekettiń IT landshaftyn qurýdy usyndy», dep habarlaidy QazAqparat.
Elimizdiń tsifrlyq damý, innovatsiia jáne aeroǵarysh ónerkásibi ministri Baǵdat Mýsin Qazaqstannyń platformalyq modelge kóshetin kezi kelgendigin atap ótti.
«Bizdegi bar 500 aqparattyq júie ózdiginshe damyp, jumys istedi. Biraq nátijesi oidaǵydai bolǵan joq. Olardy biriktirýge tyrystyq, alaida munymen serpilis jasai almadyq. Sondyqtan platforma modeline kóshýimiz kerek. Ol biznes-protsesterdi avtomattandyrý kezinde qiyndyq týdyrmaidy. Bul júzdegen qujatqa qol qoimai, birneshe qyzmetti biriktirmei-aq, ońai bolýy kerek. IT-kompaniialar osy platformada jetilip, damyǵanyn qalaimyz. Iaǵni, biz belgili bir erejeleri men biznes-protsesterdiń arhitektýrasy sipattalǵan platformany jasaǵymyz keledi. Bul qyzmetti avtomattandyrýdy alty ai emes, tek bir ai ishinde iske asyrýǵa múmkindik beredi. Ol úshin biz platformanyń naqty modeline ótýimiz kerek.Qazir arhitektýrany damytyp jatyrmyz jáne oǵan naryqtan sarapshylar tartamyz. Sonymen qatar, buǵan otandyq IT-kompaniialar da qatysady. Al, IT-kompaniialar memleketke óz qyzmetterin osy platforma arqyly satatyn bolady», - dedi Baǵdat Mýsin.
Biyl tsifrlandyrýǵa basa nazar aýdarylǵandyqtan, búkil tsifrlyq tásildi qaita qarap, memlekettiń IT-landshaftyn qurý qajet.
«Bul úshin joǵary sapaly adam kapitaly qajet. Jyl saiyn joǵarǵy oqý oryndary 20 myń IT mamanyn daiyndaidy. Eger shynymen olar óz isiniń sheberi bolsa, onda Qazaqstan IT salasy boiynsha damyǵan elderden kem túspes edi. Sondyqtan, IT naryǵy úshin, biz Bilim ministrligimen birge osy mamandyqqa kúsh salatyn jekemenshik mektepter ashpaqpyz. Endi 20 myń mamanǵa bólingen grant aqshasyn IT mektebine de qaita baǵyttaǵymyz keledi», - dedi ministr.
Sonymen qatar, Baǵdat Mýsin óńirlerde taǵy 5 IT mektep ashý josparlanyp otyrǵanyn aitty.
