Alfa-bank Qazaqstan bankin satyp alǵan Tsentrkredit bank AQSh-tyń Qarjy ministrligine ótinim joldaidy. Bul týraly QR Qarjy naryǵyn retteý jáne damytý agenttiginiń tóraǵasy Mádina Ábilqasymova málim etti, dep habarlaidy QazAqparat tilshisi.
«Alfa-bank boiynsha santsiialar 6 mamyrda kúshine endi. Osy merzimge deiin bul bank shetel valiýtasynda jáne basqa da operatsiialardy júrgize aldy. Alfa bank TsentrKredit bankine satylǵanyn bilesizder. Endi TsentrKredit AQSh-tyń qarjy ministrligine qarasty shetel aktivteri jónindegi basqarmasyna júginip, bankti sanktsiia tiziminen shyǵarý ótinimin jasai alady», - dedi Ábilqasymova Májiliste tilshiler saýalyna jaýap bere otyryp.
Osy oraida ol osy sanktsiia tiziminen shyǵýdyń jalǵyz joly retinde aktsionerdi tolyqtai aýystyrý qadamdary jatatynyn aitty.
«Ekinshiden, bank ataýyn ózgertý iske asyrylyp, qaita tirkeý júrgizilýi kerek. Osy jaǵdaida atalǵan bankti sanktsiia tiziminen shyǵarýǵa ruqsat etiledi. Bul rette Alfa-bank qysqa merzimde tiisti jumystardy atqardy», - dedi Mádina Ábilqasymova.
