Shetelden sintetikalyq esirtki eritindisi salynǵan sálemdemelerdi alyp otyrǵan Qazaqstannyń bes azamaty anyqtaldy. Olar óndiris protsesinde suiyqtyqty bý arqyly keptirip, qurǵaq ónim alyp otyrǵan, osylai sintetikalyq esirtkini asa iri mólsherde satý úshin bólip daiyndaǵany aityldy.
Departament bastyǵynyń mindetin atqarýshy Asqar Muhametqalievtiń aitýynsha, sońǵy jyldary sintetikalyq esirtki men ony óndirýge arnalǵan quramdas bólikter shekaralas memleketterden jetkizilgenin eskere otyryp, sheteldik áriptestermen yntymaqtastyqqa basymdyq berilgen. Osylaisha, biylǵy úsh aida ǵana qazaqstandyq politseiler osyndai ózara is-qimyl sheńberinde sheteldiń esirtkige qarsy qurylymdarynan aqparat alǵannan keiin qylmys jasaý barysynda 9 adamdy ustaǵan.
"Zańsyz ainalymnan segiz keliden astam sintetikalyq esirtki tárkilendi. 2022 jyldyń birinshi toqsanynda ishki ister organdary barlyǵy 695 esirtki qylmysyn, onyń ishinde asa iri kólemde esirtki zattaryn saqtaýdyń 133 deregi, kontrabandanyń 30 deregi, priton ustaýdyń bes deregi anyqtaldy. Sondai-aq, zańsyz ainalymnan tonnaǵa jýyq esirtki tárkilendi. Onyń ishinde 900 gramǵa jýyq geroin, 42 keliden astam sintetikalyq esirtki", - delingen habarlmada.
Sonymen qatar Nur-Sultan qalasy jáne Atyraý oblysy aýmaǵynda esirtki satýmen ainalysqan eki uiymdasqan qylmystyq top áreketiniń joly kesilgen. Nur-Sultan, Almaty qalalarynda, Almaty, Aqtóbe, Shyǵys Qazaqstan oblystarynda segiz esirtki zerthanasy joiylǵan.
Esirtkilerdi jarnamalaý jáne nasihattaý deregi boiynsha 33 jáne internet arqyly ótkizý deregi boiynsha 10 sotaldy óndiris tirkelgen. Esirtki taratý týraly aqparatty qamtityn 565 veb-sait, akkaýnt jáne basqa resýrstar anyqtalyp, buǵattaldy.
