شەتەلدەن سينتەتيكالىق ەسٸرتكٸ ەرٸتٸندٸسٸ سالىنعان سەلەمدەمەلەردٸ الىپ وتىرعان قازاقستاننىڭ بەس ازاماتى انىقتالدى. ولار ٶندٸرٸس پروتسەسٸندە سۇيىقتىقتى بۋ ارقىلى كەپتٸرٸپ, قۇرعاق ٶنٸم الىپ وتىرعان, وسىلاي سينتەتيكالىق ەسٸرتكٸنٸ اسا ٸرٸ مٶلشەردە ساتۋ ٷشٸن بٶلٸپ دايىنداعانى ايتىلدى.
دەپارتامەنت باستىعىنىڭ مٸندەتٸن اتقارۋشى اسقار مۇحامەتقاليەۆتٸڭ ايتۋىنشا, سوڭعى جىلدارى سينتەتيكالىق ەسٸرتكٸ مەن ونى ٶندٸرۋگە ارنالعان قۇرامداس بٶلٸكتەر شەكارالاس مەملەكەتتەردەن جەتكٸزٸلگەنٸن ەسكەرە وتىرىپ, شەتەلدٸك ەرٸپتەستەرمەن ىنتىماقتاستىققا باسىمدىق بەرٸلگەن. وسىلايشا, بيىلعى ٷش ايدا عانا قازاقستاندىق پوليتسەيلەر وسىنداي ٶزارا ٸس-قيمىل شەڭبەرٸندە شەتەلدٸڭ ەسٸرتكٸگە قارسى قۇرىلىمدارىنان اقپارات العاننان كەيٸن قىلمىس جاساۋ بارىسىندا 9 ادامدى ۇستاعان.
"زاڭسىز اينالىمنان سەگٸز كەلٸدەن استام سينتەتيكالىق ەسٸرتكٸ تەركٸلەندٸ. 2022 جىلدىڭ بٸرٸنشٸ توقسانىندا ٸشكٸ ٸستەر ورگاندارى بارلىعى 695 ەسٸرتكٸ قىلمىسىن, ونىڭ ٸشٸندە اسا ٸرٸ كٶلەمدە ەسٸرتكٸ زاتتارىن ساقتاۋدىڭ 133 دەرەگٸ, كونتراباندانىڭ 30 دەرەگٸ, پريتون ۇستاۋدىڭ بەس دەرەگٸ انىقتالدى. سونداي-اق, زاڭسىز اينالىمنان تونناعا جۋىق ەسٸرتكٸ تەركٸلەندٸ. ونىڭ ٸشٸندە 900 گرامعا جۋىق گەروين, 42 كەلٸدەن استام سينتەتيكالىق ەسٸرتكٸ", - دەلٸنگەن حابارلمادا.
سونىمەن قاتار نۇر-سۇلتان قالاسى جەنە اتىراۋ وبلىسى اۋماعىندا ەسٸرتكٸ ساتۋمەن اينالىسقان ەكٸ ۇيىمداسقان قىلمىستىق توپ ەرەكەتٸنٸڭ جولى كەسٸلگەن. نۇر-سۇلتان, الماتى قالالارىندا, الماتى, اقتٶبە, شىعىس قازاقستان وبلىستارىندا سەگٸز ەسٸرتكٸ زەرتحاناسى جويىلعان.
ەسٸرتكٸلەردٸ جارنامالاۋ جەنە ناسيحاتتاۋ دەرەگٸ بويىنشا 33 جەنە ينتەرنەت ارقىلى ٶتكٸزۋ دەرەگٸ بويىنشا 10 سوتالدى ٶندٸرٸس تٸركەلگەن. ەسٸرتكٸ تاراتۋ تۋرالى اقپاراتتى قامتيتىن 565 ۆەب-سايت, اككاۋنت جەنە باسقا رەسۋرستار انىقتالىپ, بۇعاتتالدى.
