Elimizge transplantatsiia jasatqan naýqastarǵa qajetti dári-dármek jetkizildi. Bul jaiynda QR Densaýlyq saqtaý ministrligi málim etti, dep habarlaidy "Ult aqparat".
«2021 jylǵy 16 sáýirdegi jaǵdai boiynsha «Sandimmýn Neoral, 25 mg kapsýla» biregei dárilik zatty jetkizý máselesi pysyqtaldy. Dárilik zat 20-21 sáýirde Almaty qalasyndaǵy Biryńǵai distribiýtordyń qoimasyna kelip túsedi jáne óńirlerdiń densaýlyq saqtaý basqarmalarynyń tártipterine sáikes jedel túrde elimizdiń barlyq meditsinalyq uiymdaryna jóneltiletin bolady. Transplantatsiiadan keiin naýqastardy dári-dármekpen qamtamasyz etý máselesi QR Densaýlyq saqtaý ministrligi basshylyǵynyń erekshe baqylaýynda», - deligen vedomstvo taratqan aqparatta.
Ministrlik aýtoimmýndy aýrýlary jáne immýn tapshylyǵy bar patsientterdi «Qalypty adam immýnoglobýlini G» preparatymen qamtamasyz etý máselesi sheshilgenin atap ótedi. «SQ-Farmatsiia» JShS «Gammanorm» saýda ataýymen túpnusqalyq preparattyń jyldyq kólemin satyp alǵan. Satyp alynǵan preparattyń birinshi partiiasy Biryńǵai distribiýtordyń qoimalaryna kelip tústi jáne jasalǵan sharttarǵa sáikes eldiń meditsinalyq uiymdaryna jóneltiledi.
Sondai-aq, búgingi kúni «Qant diabeti» diagnozy bar balalar úshin insýlin pompalaryna jiyntyqtar men shyǵys materialdaryn satyp alý qamtamasyz etildi.
