ەلٸمٸزگە ترانسپلانتاتسييا جاساتقان ناۋقاستارعا قاجەتتٸ دەرٸ-دەرمەك جەتكٸزٸلدٸ. بۇل جايىندا قر دەنساۋلىق ساقتاۋ مينيسترلٸگٸ مەلٸم ەتتٸ, دەپ حابارلايدى "ۇلت اقپارات".
«2021 جىلعى 16 سەۋٸردەگٸ جاعداي بويىنشا «سانديممۋن نەورال, 25 مگ كاپسۋلا» بٸرەگەي دەرٸلٸك زاتتى جەتكٸزۋ مەسەلەسٸ پىسىقتالدى. دەرٸلٸك زات 20-21 سەۋٸردە الماتى قالاسىنداعى بٸرىڭعاي ديستريبيۋتوردىڭ قويماسىنا كەلٸپ تٷسەدٸ جەنە ٶڭٸرلەردٸڭ دەنساۋلىق ساقتاۋ باسقارمالارىنىڭ تەرتٸپتەرٸنە سەيكەس جەدەل تٷردە ەلٸمٸزدٸڭ بارلىق مەديتسينالىق ۇيىمدارىنا جٶنەلتٸلەتٸن بولادى. ترانسپلانتاتسييادان كەيٸن ناۋقاستاردى دەرٸ-دەرمەكپەن قامتاماسىز ەتۋ مەسەلەسٸ قر دەنساۋلىق ساقتاۋ مينيسترلٸگٸ باسشىلىعىنىڭ ەرەكشە باقىلاۋىندا», - دەلٸگەن ۆەدومستۆو تاراتقان اقپاراتتا.
مينيسترلٸك اۋتويممۋندى اۋرۋلارى جەنە يممۋن تاپشىلىعى بار پاتسيەنتتەردٸ «قالىپتى ادام يممۋنوگلوبۋلينٸ G» پرەپاراتىمەن قامتاماسىز ەتۋ مەسەلەسٸ شەشٸلگەنٸن اتاپ ٶتەدٸ. «سق-فارماتسييا» جشس «گاممانورم» ساۋدا اتاۋىمەن تٷپنۇسقالىق پرەپاراتتىڭ جىلدىق كٶلەمٸن ساتىپ العان. ساتىپ الىنعان پرەپاراتتىڭ بٸرٸنشٸ پارتيياسى بٸرىڭعاي ديستريبيۋتوردىڭ قويمالارىنا كەلٸپ تٷستٸ جەنە جاسالعان شارتتارعا سەيكەس ەلدٸڭ مەديتسينالىق ۇيىمدارىنا جٶنەلتٸلەدٸ.
سونداي-اق, بٷگٸنگٸ كٷنٸ «قانت ديابەتٸ» دياگنوزى بار بالالار ٷشٸن ينسۋلين پومپالارىنا جيىنتىقتار مەن شىعىس ماتەريالدارىن ساتىپ الۋ قامتاماسىز ەتٸلدٸ.
