Tanymal ánshi, QR eńbek sińirgen qairatkeri Merýert Túsipbaeva Instagram áleýmettik jelisindegi óz paraqshasynda keptelister týraly sóz qozǵap, Almatyda tramvailardy tolyǵymen alyp tastaý qate sheshim bolǵanyn aitty. Bul týraly "Ult aqparat" habarlaidy.
Eýropada saiahattap júrgen óner qairatkeri elde bolyp jatqan oqiǵalarǵa bei-jai qarap otyrǵan joq.
"Netken, momyn halyqpyz?! Almaty turǵyndary bolyp, tramvaidy saqtap qala almadyq! Shetelge kelsem, tramvai kórsem, qatty muńǵa batamyn. Tramvai – qalamyzdyń kórki edi. Odan keiin ekologiia jaǵynan paidaly transport. Qazir qalamyz tramvaiǵa zárý. Keptelistiń azaiatyn túri joq. Tramvai kórsem, ózegimdi ókinish órteidi. Sol kezde bir adam Baibekke qarsy shyqpady. Qolyma plakat alyp, "timetramvaiǵa!" dep jazyp alyp, ózim bolsam da shyǵý kerek edi. Ótkenge ókingenimen paida joq", – dep jazdy ánshi.
Óner iesi qaladan tramvaidy aldyryp tastaǵan sol kezdegi qala ákimine izdeý saldy.
"Qazaqtar qoldaǵy bar dúnieniń basyna sý quiýǵa shebermiz. Men úndemesem, sen aitpasań, jurtymyz ne bolady?!. Baibek myrza, siz qaidasyz osy?! Hrapýnov "jedi, ishti, qashty" dep renjidim. "Ulty basqa ǵoi, jany ashymady qazaqtarǵa" dep topshyladyq. Siz – qazaqsyz ǵoi?! Almatynyń tramvaiy qaida?! Shetelde júrseńiz, elge birge qaitaiyq!", – dep shúilikti estrada ánshisi.
