Qazaqstandyq tanymal trevel-bloger Dastan Muhamedrahym Mońǵoliiada AQSh-tyń prezidenti Donald Tramptyń úlken ulymen kezdesip, oǵan qazaqtyń ulttyq shapanyn syiǵa tartty, dep habarlaidy ult.kz.
Bul týraly bloger óziniń áleýmettik jelidegi paraqshasynda málimdedi.
Blogerdiń aitýynsha, olar tabiǵat aiasynda úsh kún birge demalyp, bir dastarhanda dámdes bolyp jaqyn tanysqan. Kezdesý barysynda Donald Tramp-kishi qazaqstandyq blogerdiń kontentin joǵary baǵalap, onyń áleýmettik paraqshasyna jazylǵan. Osy oraida Dastan sheteldik qonaqqa qazaqtyń ulttyq kiimin kigizip, shapan syilaǵanyn kórsetti.
Bul jaǵdaiǵa tańdanysyn jasyrmaǵan Dastan:
«Gollivýdta bolmaǵan nárse, shyn ómirde bolyp jatyr. Meniń ózennen ótip jatqan videomdy Tramptyń balasy ózi túsirip tur desem, naizaǵai ma?», - dep ázil aralas jazba qaldyrdy.
Bloger bul kezdesý arqyly aldaǵy ýaqytta álemniń tanymal tulǵalaryn Qazaqstanǵa shaqyryp, eldiń týristik áleýetin pash etsem degen nieti bar ekenin jetkizdi.
